- Masterclass de Iván Raña en Rianxo - Concello de Rianxo

A Piscina Municipal de Rianxo organiza este venres unha clase maxistral a cargo do triatleta Iván Raña, que se desenvolverá na pPraia de Tanxil a partir das 19 h.

É todo un luxo ter en Rianxo a un dos grandes deportistas galegos, que nos falará de distintos detalles sobre a súa preparación: a técnica, o adestramento, a superación dos retos ou a perseveranza como medio para acadar metas. Esta masteclass incluirá:

• Charlas técnicas de nado, carreira e bicicleta.
• Práctica técnica de nado e carreira.
• Carreira Junior e sénior.

As persoas abonadas á piscina poderán participar de balde, e as non abonadas deberán pagar 5 €. Información e inscricións na Piscina Municipal.