Campamento Urbano e Deportivo 2018
E xa chegamos ao fin do Campamento, que rápido nos pasou!!! Agradecemos a todos os que colaborastes con nos para facelo posible: a todos os departamentos municipais, a Escola de Música de Rianxo, a Piscina Municipal de Rianxo, ao Colexio Castelao, a empresa Axouxere, ás familias, e especialmente aos nenos e nenas que participastes: Grazas!!!!
Ata o ano que ven
Outro ano máis celebramos a acampada no pavillón municipal de Taragoña, e que ben o pasamos: xogos, cancións, cine, e ata vimos Xúpiter, Saturno, Marte e moitas estrelas grazas ao programa Todocosmos da Universidade de Santiago:
Xa chega ao seu fin o campamento, e esta última semana estivo chea de actividades: xogos populares en deporte, obradoiro de cociña, xincana, disfraces, saída a praia e visita a Aula Activa...
Recordade que o luns temos festa da auga, e o martes festa de despedida do Camp2018, no Campo de Arriba, de 11 a 13 horas.
Unhas fotiños:
Xa vamos pola quinta semana de campamento e aínda que estemos chegando ao final, as actividades non paran:
Este ano continuamos co Plan Madruga, co que se pretende favorecer a conciliación familiar e laboral. O horario do plan madruga é a partires das 8:30, e realizanse actividades máis relaxadas, como ler, contos, manualidades sinxelas, relacionadas con distintas temáticas como investigación, xornalismo,... unhas fotos:
Unha parte moi importante do campamento é a parte deportiva, onde estas semanas fixeron psicomotricidade, música e baile, baloncesto e deportes con implementos.. Esta semana estamos con balomán e voleibol, e xa a última semana lla adicaremos ao xogos populares. Unhas fotos:
O venres pasado realizamos a saída ao Paseo Marítimo máis a praia. O tempo non se prestaba moito, polo que tivemos que improvisar, e no caso dos máis pequenos, por exemplo, despois de estar no paseo e merendar, foron un pouco a xogar ao parque. Os máis grandes estiveron na praia do Pazo, onde nos deixaron unhas fermosas esculturas en area:
Xa rematamos a cuarta semana de campamento, estanos pasando voando. Esta semana, ademais de recibir a visita de Farmasolete, tivemos un montón de actividades: realización de murais, chapas, animación á lectura na biblioteca... e seguimos con música, deporte, piscina,.... e como todos os anos, non pode faltar o xogo de Furor!!
Esta semana tivemos a visita de Farmasolete e dun grupo de farmacéuticas que viñeron a visitarnos ao campamento e a explicarnos a importancia de protexernos do sol, e cómo debemos facelo.
Esta actividade fíxose en colaboración co ColexioOficial de Farmacéuticos de A Coruña. Que ben o pasamos, moitas grazas por vir!!!
Esta semana que xa rematou foi moi intensa: deportes, manualidades, música, acrobacias, piscina,... e tamén estivemos na Feira do Libro de Rianxo:
O venres 20 de xullo acudiremos a Feira do Libro de Rianxo e ao teatro “Cardume” por Xarope Tulu, que se realizará no Campo de Arriba.
“O cardume é un espectáculo para tódolos públicos que combina a narración oral coa música en vivo. Onde o público participa da narración, converténdose en ocasións en protagonista da mesma.
En escena, unha narradora e un músico achégannos historias onde as personaxes traballan en conxunto para acadar os seus soños, promovendo valores como a cooperación, a solidariedade, a axuda mutua, a igualdade ou a equidade. A través dos obxectos e melodías iremos descubrindo un mundo onde todxs sumamos.”
O punto de encontro e recollida será o Colexio Castelao e o horario será o habitual, de 10:30 a 13:30 h.
Esta semana tivemos multitude de actividades: empezamos a prepararnos para a nosa labor de detectives preparando as nosas lupas, tivemos música (grazas a colaboración da Escola de Música de Rianxo), continuamos coa vila do maña, deporte, piscina, e para rematar a semana, xogos e xoguetes tradicionais.
Velaí van unhas fotos:
Xa damos comezo a segunda semana, e queremos deixarvos aquí unha selección de fotos do que fixemos a primeira semana de campamento.
As actividades da primeira semana trataban de A Vila do Mañá, programa educativo no que participamos este ano xunto coa Área de Rehabilitación do Concello de Rianxo e Post Arquitectos. Ao longo de toda a semana estivemos vendo como era a nosa vila e como queremos que sexa, velaí van unhas fotos:
