- Curso de verán da USC: Galego, porta aberta para o mundo 2: lingua, pensamento e cultura na Galiza e Portugal - Concello de Rianxo

Do 25 ao 28 de xuño desenvolverase en Rianxo o Curso de verán GALEGO, PORTA ABERTA PARA O MUNDO 2: LINGUA, PENSAMENTO E CULTURA NA GALIZA E PORTUGAL.

Este curso está organizado pola Universidade de Santiago de Compostela e conta con co-financiamento da Secretaría Xeral de Política Lingüística da Xunta de Galicia, da Academia  Galega da Língua Portuguesa, da Associaçom Galega da Língua, da Deputación da Coruña e do Concello de Rianxo.

As charlas están abertas a toda a veciñanza rianxeira que estea interesada en acudir. Compre destacar a última sesión de cada xornada, Facermos cultura:

• Cultura escrita e prácticas de resistencia en Rianxo. O proxecto Axóuxere de Roberto Abuín, editor.
• Se non podo bailar, non é a miña revolución. Obradoiro de danza galego-portuguesa con Carme Campo e Chus Caramés de Andar cos tempos.
• Todas á escena. Obradoiro de teatro posdramático con Afonso Becerra, profesor da Escola Superior de Arte Dramática.
• Unha descida en paraquedas até a música que chaman culta. Concerto didáctico de Xurxo Varela, profesor do conservatorio de Porto.

O prazo de matrícula vai dende o 15 de maio ata o 14 de xuño.

A USC recoñece 2 créditos para os cursos da Universidade de Verán 2019 a efectos de créditos ECTS (titulacións de Grao) para o seu alumnado coa seguinte equivalencia, e recibirán a tal efecto un certificado de crédito, sempre e cando cumpran coa asistencia ao 80% das horas lectivas do curso.

​​​​​​​

• Programa do curso
• Máis información e matriculación na seguinte ligazón http://www.usc.es/gl/servizos/cultura/veran/#rianxo