Actualidade

- Abril em dezembro, concerto e exposiçom sobre o Zeca Afonso - Concello de Rianxo

Actualidade

Abril em dezembro, concerto e exposiçom sobre o Zeca Afonso

A Associaçom José Afonso – Galiza  apresentou a programaçom “Abril em Dezembro” que desenvolverá durante o mês de dezembro, com um concerto e com umha exposiçom sobre o Zeca Afonso.

O concerto, que se celebrará no Paço de Rianjinho ou no Auditório municipal de Rianjo en funçom das condiçons meteorológicas, contará com a interpretaçom de temas do repertório de José Afonso por parte dos músicos Tiago Fernandes e Jásper. Este evento será o domingo 13 de dezembro em sessom vermute às 12.00 h e será emitido por streaming.

As pessoas que desejarem assistir ao vivo, deverám registrar-se na web www.aja.gal ou enviar um correio electrónico para info@aja.gal.

Ademais, a Associaçom José Afonso – Galiza instalou em Rianjo a exposiçom didáctica “José Afonso, Geografias de uma vida” com fotografías, documentos e textos informativos. Esta mostra pode ser visitada desde 10 de dezembro no Quartel Velho de Rianjo, situada na praça de Castelao, com entrada livre e de balde.

A programaçom conta com a colaboraçom do Concelho de Rianjo e da Deputaçom da Corunha.