Oficina de Rehabilitación

Convocatoria de axudas na Área de Rehabilitación Integral

2022-04-01T12:12:01Z

Bases reguladoras para a concesión de axudas á rehabilitación de edificios e vivendas na área de rexeneración e renovación urbana, nos núcleos de Rianxo, A Fincheira e Rianxiño, 9ª fase. Bases reguladoras

Bases reguladoras

Convocatoria de axudas na Área de Rehabilitación Integral (ARI)

2021-03-02T11:41:23Z

Bases reguladoras para a concesión de axudas á rehabilitación de edificios e vivendas na área de rexeneración e renovación urbana, nos núcleos de Rianxo, A Fincheira e Rianxiño, 8ª fase.

Bases reguladoras

VI Foro Rehabilitación

2019-10-03T07:39:40Z

Os días 4, 5, 6 e 26 de outubro terá lugar no Auditorio de Rianxo o VI Foro Rehabilitación, que contará coa presenza de recoñecidos especialistas no ámbito da rehabilitación urbanística.

Información sobre os relatorios e horarios en:

http://concelloderianxo.gal/vi-foro-rehabilitacion

Convocatoria de axudas na ARI

2019-03-05T11:02:40Z

Bases reguladoras para a concesión de axudas á rehabilitación de edificios e vivendas na área de rexeneración e renovación urbana, nos núcleos de Rianxo, Fincheira e Rianxiño 5ªfase 2ª convocatoria

Bases reguladoras

Convocatoria de axudas na ARI

2019-02-14T12:07:53Z

Bases reguladoras para a concesión de axudas á rehabilitación de edificios e vivendas na área de rexeneración e renovación urbana, nos núcleos de rianxo, fincheira e rianxiño 7ª fase

Bases reguladoras

Convocatoria de axudas na ARI

2018-07-03T09:09:57Z

Corrección de erros.

Bases reguladoras para a concesión de axudas á rehabilitación de edificios e vivendas na área de rexeneración e renovación urbana, nos núcleos de Rianxo, Fincheira e Rianxiño 6ª fase

ANTECEDENTES

o día 14/12/2017, publicouse no BOP as bases reguladoras para a concesión de axudas á rehabilitación de edificios e vivendas na área de rexeneración e renovación urbana, nos núcleos de Rianxo, Fincheira e Rianxiño 6ª fase.

FUNDAMENTACIÓN

Ditas bases están suxeitas a orde publicada no BOP o 30/06/2017 “Orde do 23 de xuño de 2017 pola que se procede a abrir o prazo para solicitar a participación na prórroga do programa de rexeneración e renovación urbanas do Plan estatal de fomento do alugamento de vivendas , a rehabilitación edificatoria e a rexeneración e renovación urbanas 2013-2016, e se establecen as súas bases reguladoras a as das axudas autonómicas previstas para este programa.”

Como di o seu:

Artigo 12. Subvencións estatais

1. A contía máxima das axudas contidas no Plan estatal 2013-2016 non poderá exceder o 35% do custo subvecionable da actuación e calcularase multiplicando o número de vivendas polas axudas unitarias establecidas a continuación:

- Ata 11.000 euros por vivenda obxecto de rehabilitación.

Artigo 13. Subvencións autonómicas

O IGVS, con cargo aos seus orzamentos, subvencionará as actuacións nas ARI declaradas na contía máxima seguinte:

- Ata 4.000 euros por vivenda obxecto de actuación de rehabilitación, sen que a subvención poida exceder o 10% do orzamento protexido de rehabilitación da vivenda ou edificio.

Nas ditas bases na súa base 3ª contía das axudas económicas e orzamento protexible, no seu punto 3 a distribución farase do seguinte xeito, observasen que hai uns erros materiais incluíndo a palabra media na redacción dos seus parágrafos.

No momento de detectar o erro as bases xa están publicadas.

De acordo co artigo 192 da Lei 39/2015, as administracións poderán rectificar en calquera momento de oficio ou a instancia dos interesados os erros materiais, de feito ou aritméticos existentes nos seus actos.

PRIMEIRO

Corrixir as bases reguladoras, como se indica:

Onde di:

“Establecese unha subvención do 35% do custo subvencionable das actuacións, por parte do Ministerio, e a subvención media non poderá exceder de 11.000 euros por vivenda.”

“Establecese unha subvención do 10% do custo subvencionable das actuacións, por parte da Xunta de Galicia, e a subvención media non poderá exceder de 4.000 euros por vivenda.”

Debe dicir:

“Establecese unha subvención do 35% do custo subvencionable das actuacións, por parte do Ministerio, e a subvención non poderá exceder de 11.000 euros por vivenda.”

“Establecese unha subvención do 10% do custo subvencionable das actuacións, por parte da Xunta de Galicia, e a subvención non poderá exceder de 4.000 euros por vivenda.”

V Foro de Rehabilitación

2018-04-10T08:15:17Z

Do 4 ao 6 de maio de 2018 Rianxo acollerá o V Foro de Rehabilitación.

A cota de inscrición é de 10 euros.

Programa do V Foro de Rehabilitación

Inscrición

Concesión de axudas á rehabilitación

2017-12-18T14:40:13Z

Bases reguladoras para a concesión de axudas á rehabilitación de edificios e vivendas na área de rexeneración e renovación urbana, nos núcleos de Rianxo, Fincheira e Rianxiño (6ª fase).

BASES REGULADORAS

MODELOS PARA DESCARGAR

Anexo I - Solicitude

Compromiso de residencia

Declaración de non inclusión nas causas de prohibición da solicitude

Outras subvencións

Autorización de inquilino

Elementos comúns

MODELOS DE INFORMACIÓN

Causas da denegación

Causas de prohibición da solicitude

IV Foro de Rehabilitación

2017-04-28T11:19:01Z

Os días 5 a 7 de maio de 2017 Rianxo acollerá o IV Foro de Rehabilitación.

Inscricións no sitio web do concello: concelloderianxo.gal/iv-foro-de-rehabilitacion

A cota de inscrición é de 10 euros.

Programa do IV Foro de Rehabilitación

Inscrición

III Foro de Rehabilitación

2016-06-10T13:53:58Z

A oficina da Área de Rehabilitación Integral do Concello de Rianxo organiza a terceira edición do Foro de Rehabilitación os días 17 e 18 de xuño.

Quen desexe asistir deberá inscribirse en odr@concelloderianxo.gal ou no nº 981 107 887

Rectificación das Bases para a concesión das axudas á rehabilitación

2016-04-13T11:10:29Z

Rectificación das Bases para a concesión das axudas á rehabilitación de edificios e vivendas na Área de Rexeneración e Renovación Urbana de Rianxo, Rianxiño e Fincheira (5a fase)

En sesión da xunta de goberno local do 11/04/2016 adoptouse o seguinte acordo:

PRIMEIRO

Rectificar o apartado primeiro da base 3a das Bases reguladoras para a concesión das axudas á rehabilitación dos edificios e vivendas na Área de Rexeneración e Renovación Urbana de Rianxo, Rianxiño e Fincheira (5a fase) aprobadas pola Xunta de Goberno Local o 21/12/2015, do xeito seguinte:

Onde di:

“A contía das axudas económicas ascenderá a 44.700,00 € que por tratarse de
axudas plurianuais se repartirá consonte o seguinte cadro:

Anualidade	Importe
2015	17.998,11
2016	26.701,89
TOTAL	44.700,00

Debe dicir:

“A contía das axudas económicas ascenderá a 41.200,00 € que por tratarse de
axudas plurianuais se repartirá consonte o seguinte cadro e con imputación á
aplicación orzamentaria 1522.78000 e proxecto de gasto 2015/2/22/1:

Anualidade	Importe
2015	16.588,86
2016	24.611,14
TOTAL	41.200,00

O contido restante da base 3ª queda co literal aprobado pola Xunta de Goberno Local o 21/12/2015.

SEGUNDO

Darlle publicidade a este acordo polos mesmos medios da publicidade da
convocatoria: BOP, taboleiro de anuncios do concello, web municipal.

TERCEIRO

Ampliar en 7 días naturais o prazo de presentación de solicitudes de 120 días
previsto no apartado 4 da base 9a, de modo que esta base queda redactada como
segue:

“O prazo de presentación das solicitudes será de 127 días naturais a contar desde o
día seguinte da publicación das presentes bases da convocatoria no Boletín Oficial
da Provincia (BOP)”

Obradoiro sobre a Paisaxe

2016-03-16T11:20:10Z

A Xunta de Galicia, a través do Instituto de Estudos do Territorio, vai organizar obradoiros para a redacción das Directrices da Paisaxe de Galicia.

O primeiro destes obradoiros celebrarase en Rianxo o xoves 17 de marzo ás 17 horas, no Auditorio de Rianxo.

A inscrición é gratuíta pero obrigada para participar, no enderezo urbanismo.rianxo@gmail.com. Prazas limitadas a 20.

Concesión de axudas á rehabilitación (5ª fase)

2015-12-21T14:48:57Z

Consonte o disposto na Ordenanza Municipal reguladora das axudas para a rehabilitación de edificios e vivendas na Área de Rehabilitación Integrada dos núcleos de Rianxo, Fincheira e Rianxiño, publicada no Boletín Oficial da Provincia (BOP) número 7, de data 10 de xaneiro de 2009, consonte o disposto no Acordo da Comisión Bilateral celebrada o 27 de outubro de 2015, relativo á Área de Rexeneración e Renovación Urbana Rianxo, Rianxiño e Fincheira, ábrese as bases da convocatoria do procedemento de concesión de axudas coas seguintes bases reguladoras.

Bases reguladoras para a concesión de axudas á rehabilitación de edificios e vivendas na área de renovación urbana de Rianxo, Rianxiño e Fincheira (5ª fase)

A importancia de saber coidar e transmitir o Patrimonio Arquitectónico e Etnográfico

2015-07-23T03:02:02Z

Conferencia do prestixioso profesor portugués António Menéres no Auditorio de Rianxo "A importancia de saber coidar e transmitir o Patrimonio Arqueológico e Etnográfico", ás 21:00 horas

Exposición de fotografía de Arquitectura Popular Portuguesa

2015-07-19T00:06:10Z

Exposición de fotografías de Arquitectura Popular Portuguesa, do Arquitecto António Menéres "Memorias do tempo e do patrimonio construido"

Inauguración: Luns, 20 de xullo, ás 20:00 horas

Auditorio de Rianxo

Curso de Verán da UdC "De Porto a Porto. Estratexias de Rehabilitación"

2015-07-13T07:53:47Z

Curso de Verán da Universidade da Coruña "De Porto a Porto. Estratexias de Rehabilitación", que se celebrará os días 20, 21, 22, 23 e 24 de xullo no Auditorio de Rianxo, con clases teóricas polas mañás e obradoiros prácticos na paisaxe entre o Porto de Rial (Leiro) e o Porto de Rianxo, toda a costa, analizando a paisaxe, os elementos arquitectónicos e arqueolóxicos.

O importe da matricula para os que non son estudantes universitarios é de 80€, con dereito a aloxamento no parque de campismo de Rianxo (deberán traer a tenda de campaña).

Programa

Rexistro de Rehabilitación: Rehabilita unha casa en Rianxo

2015-05-14T13:45:07Z

O programa "100 Casas, Historias, Soños... Agardan por ti. Rehabilita unha casa en Rianxo", pioneiro e único en Galicia, trata de poñer a disposición de calquera persoa unha bolsa de casas unifamiliares dentro do municipio de Rianxo, tanto no ámbito urbano como no rural, para que poidan ser rehabilitadas e rehabitadas, como primeira ou como segunda residencia.

A tal efecto, será a Oficina Municipal de Rehabilitación a que supervisará tódolos datos aportados, tanto polos propietarios de casas como polos demandantes de casas.

O Concello de Rianxo difundirá, a través dos medios de comunicación convencionais e tamén a través das redes sociais, a bolsa de vivendas inscritas.

Ofrecerá un completo asesoramento a ámbalas dúas partes para conseguir o primeiro obxectivo –o de conseguir que os demandantes adquiran en réxime de compravenda, aluguer ou aluguer con opción de compra- unha das casas inscritas no rexistro.

Tamén a Oficina Municipal de Rehabilitación asesorará sobre a propia obra de rehabilitación, tanto na supervisión do proxecto como no proceso da obra, a fin de conseguir unha rehabilitación de calidade e a recuperación da nosa Arquitectura Popular.

Rexistro de Rehabilitación

Nota informativa do II Foro de Rehabilitación

2015-04-24T09:43:19Z

NOTA INFORMATIVA

As prazas para o "Encontro sobre Rehabilitación de Vivendas" xa están esgotadas, polo que non enviedes máis solicitudes de inscrición.

O interese suscitado polo presente evento dános moito ánimo e pé a celebrar o seguinte III Foro de Rehabilitación, do que daremos conta no seu momento.