Urbanismo

Axudas do Programa de mellora da accesibilidade en e ás vivendas para o ano 2025

2025-03-25T13:13:58Z

NORMATIVA

Resolución do 17 de marzo de 2025 pola que se procede á convocatoria das axudas do Programa de mellora da accesibilidade en e ás vivendas para o ano 2025, con carácter plurianual. (DOG nº 54 do 19/3/2025)

OBXECTO

Este programa ten por obxecto o fomento da mellora da accesibilidade en e ás vivendas unifamiliares ailladas ou agrupadas en fila, edificios de vivendas de tipoloxía residencial colectiva, intervindo tanto nos seus elementos comúns como no interior de cada vivenda e vivendas situadas en edificios de tipoloxía residencial colectiva.

PERSOAS BENEFICIARIAS

Poderán ser persoas e entidades beneficiarias das axudas deste programa, sempre que se trate de persoas físicas ou xurídicas de natureza privada:

As persoas propietarias ou usufrutuarias de vivendas unifamiliares illadas ou agrupadas en fila.
As persoas propietarias ou usufrutuarias de edificios de tipoloxía residencial de vivenda colectiva.
As persoas propietarias ou usufrutuarias de vivendas incluídas nun edificio de tipoloxía residencial de vivenda colectiva.
As comunidades de persoas propietarias ou as súas agrupacións, constituídas conforme ao disposto polo artigo 5 da Lei 49/1960, do 21 de xullo, de propiedade horizontal.
As sociedades cooperativas de vivendas integradas por socios cooperativistas que precisen aloxamento para si ou os seus familiares, as sociedades cooperativas compostas de forma agrupada por persoas propietarias de vivendas ou edificios que reúnan os requisitos establecidos no artigo 396 do Código Civil, así como, polas persoas propietarias que conforman comunidades de persoas propietarias ou agrupacións de comunidades de persoas propietarias, constituídas conforme ao disposto no artigo 5 da Lei 49/1960, do 21 de xullo.
As persoas propietarias que, de forma agrupada sexan propietarias de edificios, que reúnan os requisitos establecidos polo artigo 396 do Código Civil e non tivesen outorgado o título constitutivo de propiedade horizontal.
As empresas construtoras, arrendatarias ou concesionarias dos edificios, así como cooperativas, que acrediten a dita condición mediante contrato vixente a suficiente prazo coa propiedade, que lles outorgue a facultade expresa para acometer as obras de rehabilitación obxecto do programa.
As persoas arrendatarias de vivendas, no suposto de que as obras ou actuacións non sexan de obrigada execución pola persoa propietaria e ambas partes acorden que a arrendataria costee ao seu cargo as actuacións de mellora da accesibilidade, con cargo a parte ou á totalidade da renda arrendaticia.

REQUISITOS DAS VIVENDAS

Vivendas unifamiliares illadas ou agrupadas en fila:

Estar rematadas antes de 2006
Que constitúan o domicilio habitual e permanente das súas persoas propietarias, usufrutuarias ou arrendatarias no momento de solicitar as axudas

Edificios de vivendas de tipoloxía residencial colectiva

Estar rematados antes de 2006
Que, polo menos, o 50 % da súa superficie construída sobre rasante, excluída a planta baixa ou plantas inferiores se ten ou teñen outros usos compatibles, teña uso residencial de vivenda
Que, polo menos, o 30 % das vivendas constitúan o domicilio habitual dos seus propietarios, usufrutuarios ou arrendatarios no momento de solicitar as axudas deste programa
Que, de ser o caso, as actuacións conten co acordo da comunidade ou comunidades de persoas propietarias debidamente agrupadas e coa autorización ou autorizacións administrativas correspondentes

Vivendas situadas en edificios de tipoloxía residencial colectiva:

Estar rematadas antes de 2006
Que constitúan o domicilio habitual e permanente dos seus propietarios, usufrutuarios ou arrendatarios no momento de solicitar acollerse ás axudas.

ACTUACIÓNS SUBVENCIONABLES

Consideraranse subvencionables as actuacións para a mellora da accesibilidade. En particular, as seguintes:

A instalación de ascensores, salvaescaleiras, ramplas, automatismos para a apertura de portas incorporando mecanismos motorizados ou outros dispositivos de accesibilidade, así como calquera medida de accesibilidade que facilite a autonomía e a vida independente de persoas con mobilidade reducida, tanto en edificios como en vivendas unifamiliares, incluíndo os dispositivos adaptados ás necesidades de persoas con discapacidade sensorial ou intelectual, así como a súa adaptación, unha vez instalados, á normativa sectorial correspondente. Inclúese a integración mediante un único mecanismo de identificación (teléfono intelixente, cámaras, pantallas ou outros dispositivos tecnolóxicos equivalentes en canto á súa funcionalidade) dos sistemas de apertura e control de accesos e doutros sistemas que necesiten control persoal e a adaptación, cando existan, a altura non superior a 1,40 m dos dispositivos xa instalados
A instalación ou dotación de produtos de apoio tales como guindastres ou artefactos análogos, así como sistemas tecnolóxicos de guiado que permitan a localización, que permitan o acceso e uso por parte das persoas con discapacidade a elementos comúns do edificio no seu caso, tales como xardíns, zonas deportivas, piscinas e outros similares
A instalación de elementos de información, de comunicación ou de aviso tales como sinais luminosos e visuais, vibrotáctiles ou sonoras que permitan a orientación no uso de escaleiras, ascensores e do interior das vivendas. En particular a instalación de elementos que melloren a accesibilidade e seguridade no uso dos ascensores, como a comunicación bidireccional en cabina
A instalación de produtos de apoio á audición para a accesibilidade no contorno, como os bucles magnéticos
A instalación de elementos ou dispositivos electrónicos de comunicación entre as vivendas e o exterior, tales como videoporteiros que proporcionan información visual e auditiva e análogos
A instalación de dispositivos de alarma no ascensor que garantan un sistema de comunicación visual, auditiva e bidireccional co exterior para os casos de emerxencia ou atrapamento. Así como a instalación de bucle magnético nos devanditos dispositivos
A instalación domótica e doutros avances tecnolóxicos para favorecer a autonomía persoal de persoas maiores ou con discapacidade
Calquera intervención que facilite a accesibilidade universal nos espazos do interior das vivendas (unifamiliares, agrupadas en fila ou en edificios de tipoloxía residencial colectiva) ou nos propios edificios de tipoloxía residencial colectiva obxecto deste programa, así como nas súas vías de evacuación. Inclúense obras dirixidas á ampliación de espazos de circulación dentro da vivenda que cumpran coas condicións do Código Técnico da Edificación no referido a vivenda accesible, así como para mellorar as condicións de accesibilidade en baños e cociñas, así como as modificacións e adaptacións necesarias e adecuadas ás necesidades específicas das persoas con discapacidade que habitan as vivendas. Inclúense así mesmo as obras necesarias e complementarias sobre elementos directamente relacionados coa actuación de mellora de accesibilidade universal e cuxo mal estado de conservación aconselle a intervención
Calquera intervención que mellore o cumprimento dos parámetros establecidos no Documento Básico do Código Técnico da Edificación DB- SUA, Seguridade de utilización e accesibilidade. En particular a instalación de elementos que melloren a accesibilidade e seguridade de utilización nos ascensores, como a mellora da nivelación da cabina.

CONTÍA DAS AXUDAS

Vivendas unifamiliares illadas ou agrupadas en fila:
Ata 12.500 €/vivenda + 3.000 €/vivenda se é BIC

Ata 15.000 €/vivenda no caso de residente no edificio con discapacidade
Ata 18.000 €/vivenda no caso de discapacidade igual ou superior a 33%

Edificios de vivendas de tipoloxía residencial colectiva:
Ata 9.000 €/vivenda e 90€/m2 de superficie construída de local comercial ou outros usos compatibles + 3.000 €/vivenda se é BIC

Ata 15.000 €/vivenda no caso de residente no edificio con discapacidade
Ata 18.000 €/vivenda no caso de discapacidade igual ou superior a 33%

Vivendas ubicadas en edificios de tipoloxía residencial colectiva
Ata 6.000 €/vivenda + 3.000 €/vivenda se é BIC

Ata 15.000 €/vivenda no caso de residente no edificio con discapacidade
Ata 18.000 €/vivenda no caso de discapacidade igual ou superior a 33%

Límite do 60% do custo da actuación

Ata o 80% no caso de residente con discapacidade ou maior de 65 anos

PRAZO DE PRESENTACIÓN DE SOLICITUDES

Do 27.03.2025 ás 09:00 horas, ata o 28.04.2025 ás 14:00 horas.

INFORMACIÓN

ÁREA PROVINCIAL IGVS A CORUÑA 881 881 096

Aprobación inicial do estudio de detalle modificado da parcela Z5 para adaptación de aliñacións e volumes

2023-11-10T13:08:42Z

A Xunta de Goberno Local, na sesión ordinaria do 5 de outubro de 2023, acordou Aprobar inicialmente o Estudo de detalle modificado III da parcela Z-5 para a adaptación de aliñacións e volumes, do plan parcial SAU 3 Pazo de Rianxiño elaborado polo estudo de arquitectura Amancio Losada Vicente.

Conforme ao establecido no artigo 80 da Lei 2/2016, de 10 de febreiro, do solo de Galicia, e nos artigos 194.2 e 207 do seu regulamento, a documentación estará exposta ao público na web municipal https://concelloderianxo.gal/urbanismo.

Tamén se poderá consultar nas dependencias do Departamento de Urbanismo do Concello de 9.00 a 14.00 horas.

O prazo de exposición pública será de un mes, contado a partir do seguinte día a última das publicacións de este anuncio no Diario Oficial de Galicia e nun dos periódicos de maior difusión da provincia. Neste prazo calquera persoa poderá examinar o estudio de detalle e presentar alegacións, suxestións ou documentos que consideren oportunos.

Este anuncio servirá de notificación nos termos establecidos no art. 40 da Lei 39/2015, do 1 de outubro, do Procedemento Administrativo Común das Administracións Públicas, para tódolos propietarios e interesados directamente afectados que, por resultar descoñecidos ou por ser ignorado o seu enderezo, non poidan ser notificados persoalmente, ou intentada a notificación non se puidese practicar.

Estudo de detalle modificado: https://sede.concelloderianxo.gal/etc/L01150721/2021U035000001/202399900000899_ED_MOD_III_ALINACIONS_E_VOLUMES.zip

Aprobación inicial do estudo de detalle para adaptación de aliñacións no ámbito Z6 do Plan Parcial SAU 3 Pazo de Rianxiño.

2023-11-10T13:04:20Z

A Xunta de Goberno Local, na sesión ordinaria do 5 de outubro de 2023, acordou Aprobar inicialmente o Estudo de Detalle para adaptación de aliñacións no ámbiro Z6 do plan parcial SAU 3 Pazo de Rianxiño elaborado polo estudio de arquitectura Monteoliva Arquitectura SLP.

Tamén se poderá consultar nas dependencias do Departamento de Urbanismo do Concello de 9.00 a 14.00 horas.

O prazo de exposición pública será dun mes, contado a partir do seguinte día á última das publicacións de este anuncio no Diario Oficial de Galicia e nun dos periódicos de maior difusión da provincia. Neste prazo calquera persoa poderá examinar o estudio de detalle e presentar alegacións, suxestións ou documentos que consideren oportunos.

Memoria xustificativa: https://sede.concelloderianxo.gal/etc/L01150721/2021U035000002/15072_ED_202207_AI_MX.zip

Exposición do documento de aprobación provisional do Plan Xeral de Ordenación Municipal

2023-06-07T12:34:52Z

O Documento do Plan Xeral de Ordenación de Rianxo que se vén de aprobar provisionalmente na sesión do Pleno da Corporación do 11 de maio de 2023 está dispoñible para a súa descarga e consulta na ligazón https://concelloderianxo.gal/pxom

A veciñanza que o desexe pode consultar o documento con persoal técnico do concello os martes e xoves, de 10 a 12 h, nas oficinas da Área de Rehabilitación (Rúa Adro, nº 2).

Exposición pública do Inventario de Camiños Municipal

2016-06-09T14:18:47Z

O Boletín Oficial da Provincia do 3 de xuño de 2016 no 105/2016 publicou o anuncio de Aprobación Inicial do inventario de camiños municipais do Concello de Rianxo, aprobado polo pleno da Corporación, na sesión ordinaria do 28 de abril de 2016.

Este inventario expoñerase ao público durante un prazo de 30 días hábiles até o 9 de xullo, para o que se habilitará un espazo nos baixos do Cuartel Vello-Escolas da I República, en horario de 10 a 14 h, de luns a venres. Será atendido polo persoal do Servizo de Urbanismo para realizar as alegacións que se consideren oportunas para mellorar o documento.

Tamén se realizarán unha serie de charlas polas parroquias a cargo da empresa redactora PROCAT nos seguintes horarios e lugares:

Venres 10 de xuño Casa da República de Isorna 18 h
Venres 10 de xuño Centro Cultural de Leiro 20 h
Venres 17 de xuño Centro Cultural do Araño 18 h
Venres 17 de xuño Escolas Vellas de Asados 20 h
Xoves 23 de xuño Auditorio de Rianxo. 18.30 h
Martes 28 de xuño Centro Cultural de Taragoña 18.30 h

E estarán para atender tamén os da empresa PROCAT no Cuartel Vello o 10, 17, 23 de xuño e 1 de xullo entre as 10 e 14 h.

Asemade, os planos están dispoñibles en formato dixital na web do Concello de Rianxo:

Inventario de Camiños Municipal

Anexo á Ordenanza Municipal reguladora de terrazas

2018-06-06T12:29:14Z

Segundo o aprobado na Ordenanza Municipal reguladora das terrazas no Concello de Rianxo, procédese a facer de público coñecemento o anexo aprobado coa normativa a aplicar sobre as características xeométricas, cores e publicidade que deben reunir as terrazas nas zonas protexidas.

Anexo á ordenanza municipal de terrazas

Ordenanza Municipal publicada no BOP

Exposición ao público do documento de aprobación inicial do Plan Xeral de Ordenación Municipal

2014-12-04T19:52:06Z

O 3 de decembro publícase no DOGA a aprobación no Pleno do Concello de Rianxo do documento inicial do Plan Xeral de Ordenación Municipal, estabelecéndose un prazo de dous meses para a exposición ao público e a presentación de alegacións.

O PXOM poderase consultar nos baixos do Cuartel Vello (Praza Castelao, Rianxo) a partir do 9 de decembro, e en formato electrónico en www.concelloderianxo.es/pxom