Servizos Sociais

Oficina móbil de atención ás persoas emigrantes retornadas

2026-03-10T13:07:43Z

A Secretaría Xeral de Emigración está a levar adiante o programa " Galicia Retorna 2023-2026", co obxectivo de promover a inclusión e integración da poboación emigrante retornada e os seus familiares en todo o territorio galego.

Así, a empresa Silman 9, SLU será a encargada do desenvolvemento do programa, mediante unha unidade móbil que percorrerás as zonas rurais e todas aquelas poboación que non dispoñen de oficina física.

Este servizo consiste na información e asesoramento ás persoas destinatarias dos principais trámites administrativos anteriores e posteriores ao retorno, asistencia sanitaria, orientación laboral, formación, prestacións, subvencións e axudas, e todos aqueles outros nos que sexa preciso.

En Rianxo a oficina móbil está prevista para o día 08-04-2026 en horario de 09:00h a 14:00h

É aconsellable pedir cita previa:

Teléfono: 900 102 380
No seguinte enderezo web: https://emigracion.xunta.gal/es/actividad/retorna/oficina-movil-cita-previa

Xuntos polo Nadal

2025-11-14T13:40:33Z

A Consellería de Política Social e Xuventude, a través da Dirección Xeral de Maiores e Persoas con Discapacidade organiza este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, perda do seu cónxuxe ou por outras circunstancias.

O programa levarase a cabo na Residencia de Tempo Libre de Panxón, en Nigrán (Pontevedra) entre o día 23 de decembro e o día 7 de xaneiro de 2026, en tres quendas diferentes, das que só se poderá elixir unha:

23 de decembro de 2025 ao 7 de xaneiro de 2026 (16 días)
23 ao 30 de decembro de 2025 (8 días)
31 de decembro de 2025 ao 7 de xaneiro de 2026 (8 días)

O programa comprende os seguintes servizos:

Estancia na residencia durante 16 días (15 noites) ou 8 días (7 noites).
Aloxamento en habitacións compartidas e manutención en réxime de pensión completa. O aloxamento en cuartos individuais terá carácter EXCEPCIONAL, previo informe médico que acredite a súa necesidade.
Desprazamento en autobús dende Santiago de Compostela ata a Residencia de Tempo Libre do Carballiño e viceversa.
Actividades de animación sociocultural.

Requisitos:

Ter 60 anos, cumpridos no momento en que remate o prazo de presentación de solicitudes.
Estar empadroado nalgún concello galego.
Vivir so no seu domicilio e ter que pasar só/a as datas do Nadal.
Valerse por si mesmo e non padecer enfermidade transmisible con risco de contaxio, nin trastornos mentais ou de conduta, que poidan alterar a convivencia durante o transcurso da estadía.
Recoméndase estar vacinado fronte a COVID-19 e a GRIPE segundo o calendario sanitario vixente.

Daráselle preferencia ás persoas que perdesen o seu cónxuxe ou persoa coa que convivisen nos últimos dous anos, os de maior idade e os que non participasen neste programa con anterioridade.

Prezo:

As persoas participantes asistirán de forma gratuíta, agás os gastos de desprazamento ata o lugar de recollida do autobús e viceversa.

Prazo:

Ata o día 26 de novembro de 2025

Máis información:

Servizos Sociais Comunitarios Básicos do Concello de Rianxo (Estrada de Tanxil, 12. Telf. 981 86 00 61 )
Departamentos de Traballo Social dos Centros de Saúde ou Hospitais.
Teléfono Social: 900 333 666 (gratuíto)
No seguinte enderezo web: http://politicasocial.xunta.gal/web/portal/portada

SOLICITUDE

DECLARACIÓN RESPONSABLE

Servizo de Atención Temperá

2025-10-23T12:07:05Z

Este servizo ten como obxectivo promover a igualdade, a saúde e a inclusión social mediante un conxunto de intervencións dirixidas á poboación infantil de 0 a 6 anos con trastornos do desenvolvemento ou en risco de padecelos, a súa familia e contorna, co fin de facilitar a súa autonomía persoal e a dita inclusión.

Os motivos de demanda que atendemos na actualidade responden a seis bloques:

- Linguaxe: dificultades vinculadas a trastornos fonolóxicos, trastornos da comunicación social, trastorno expresivo da linguaxe e dislalias.

- Cognitiva: nesta área, enmárcanse as necesidades vinculadas a unha baixa capacitación intelectual, dificultades na coherencia central, inflexibilidade cognitiva e planificación.

- Funcións executivas: céntranse na atención e memoria.

- Psicolóxico: trabállanse as dificultades para asumir roles de autoridade, o baixo autoconcepto, autoestima e a tolerancia á frustración.

- Psicomotricidade: abórdanse problemas vinculados ao desenvolvemento motor, a adquisición de pinza dixital e a psicomotricidade grosa.

- Adaptativo: necesidades relacionadas co traballo autónomo, a adquisición de actitudes proactivas cara á vida ou a comprensión de riscos vitais.

Este servizo está situado no Pazo de Rianxiño no seguinte horario:

Horario:

Luns 7:00 - 15:00

Martes 8:00 - 14:00 / 16:00 - 18:00

Mércores 7:00 - 15:00

Xoves 7:00 - 14:00

Venres 8:00 - 13:00 / 16:00 - 18:00

Contacto:

- Atención telefónica: 695449512

- Correo electrónico: atenciontempera@concelloderianxo.gal

Axudas destinadas á adquisición de dispositivos electrónicos, material escolar e roupa e material deportivo para o curso 2025-2026.

2025-09-25T09:37:13Z

Hoxe sae publicado no BOP o anuncio do extracto da convocatoria e aprobación das bases destas axudas. Polo tanto o prazo de solicitude comeza mañá 29/08/25 ata o 18/09/25. Poderánse presentar as solicitudes por sede electrónica do concello ou no Rexistro Xeral.

Con data 24/09/25 publicarase o listado de requerimentos daquelas solicitudes ás que lle falte documentación ou teñan algún erro.

LISTADO DE REQUERIMENTOS

Solicitude

Anexo II (Declaración de obrigas)

Anexo III (Xustificante de aluguer)

Anexo IV (Xustificante de hipoteca)

Publicación no BOP

BASES DA CONVOCATORIA

BASES DA CONVOCATORIA (castelán)

Servizo Rianxo Madruga. Curso 2025-2026

2025-09-05T11:40:26Z

O prazo para presentar as solicitudes ábrese o vindeiro luns 28 de xullo ata o 14 de agosto de 2025. As solicitudes presentaranse no Rexistro Xeral do Concello ou na sede electrónica mediante formulario dispoñible para tal fin.

Nas vindeiras semanas publicarase o prezo público deste servizo.

Con data 21/08/25 publicase o listado provisional de solicitudes admitidas e excluídas. Todas as persoas solicitantes deberán presentar a seguinte documentación a través da Sede Electrónica ou do Rexistro Xeral:

- Certificado Código IBAN

- Modelo oficial da solicitude de domiciliación de recibos. "Outros" poñer Rianxo Madruga.

Con data 05/09/25 publicase o listado definitivo de solicitudes admitidas e excluídas.

Máis información:

Listado definitivo de solicitudes admitidas e excluídas.

Listado provisional de solicitudes admitidas e excluídas.

Resolución de Alcaldía

Bases e calendario

Solicitude

POS+ ADICIONAL Gastos Sociais Extraordinarios. Ano 2025

2025-06-10T06:35:55Z

A Deputación da Coruña aprobou o financiamento dos programas dos Servizos Sociais Comunitarios do Concello de Rianxo, por importe 72.359,35€.

Respiro familiar para coidadores/as de persoas con dependencia ou discapacidade

2025-05-21T07:40:18Z

TIPO DE AXUDA
Axudas económicas para contribuír ao pagamento de servizos de atención a persoas dependentes ou con
discapacidade, para facilitar a conciliación da vida persoal, familiar e laboral das persoas coidadoras.

PERSOAS BENEFICIARIAS
Persoas coidadoras habituais non profesionais que atendan de forma continuada a persoas dependentes,
con discapacidade ou en situación de necesidade de axuda de terceiras persoas.

REQUISITOS DA PERSOA COIDADORA

Que atenda a unha persoa que presente calquera das seguintes situacións:

Ter recoñecida unha situación de dependencia en grao II ou III.
Ter recoñecida unha discapacidade en grao igual ou superior ao 75 %, con necesidade de axuda de terceiras persoas.
Que a persoa á que se atende presente unha situación de necesidade acreditada de axuda de terceiras persoas para as actividades da vida diaria.

Que ben a persoa coidadora ou a persoa á que se atende resida en Galicia.

MODALIDADES E CONTÍA

RESPIRO NO FOGAR: para financiar o pago de servizos de atención puntual e directa no propio fogar, por espazos de tempo definidos e non moi longos. Comprenderá coidados persoais e de acompañamento que necesita a persoa que se vai atender. A achega económica pode acadar o 100% do custo, cun máximo de 1.000 € por persoa beneficiaria/ano. O servizo poderá prestarse por unha entidade do Servizo de Axuda no Fogar autorizada e inscrita no RUEPSS ou por profesional con formación específica e contratado directamente pola persoa coidadora solicitante da subvención.
RESPIRO EN RESIDENCIA: para financiar estadías temporais en centros residenciais de Galicia. A achega poderá acadar o 100% do custo, cun máximo de 1.500 € por persoa beneficiaria/ano.
RESPIRO EN CENTRO DE DÍA: para financiar os gastos da atención puntual, integral e directa en centros de día da Comunidade Autónoma de Galicia. A axuda consistirá nunha achega que pode acadar ata o 100% do custo das actuacións subvencionables, cun máximo de 1.000 euros por persoa beneficiaria/ano. O servizo deberá ser prestado por unha entidade autorizada como centro de día, inscrita no RUEPSS e que conte coa autorización correspondente para a prestación deste servizo.

As persoas coidadoras solicitantes da subvención, aboarán o importe total dos servizos e o pago da
axuda farase efectiva unha vez que se presente a documentación xustificativa correspondente.

LUGAR DE PRESENTACIÓN: Preferentemente por vía electrónica a través da sede electrónica da Xunta
de Galicia (https ://sede.xunta.es )

PRAZO DE SOLICITUDE: ata o 15 de outubro de 2025

MÁIS INFORMACIÓN:

Sede electrónica da Xunta de Galicia (https ://sede.xunta. gal ) e (http://politicasocial.xunta.gal)
Servizos Sociais Comunitarios Básicos do Concello de Rianxo.
Servizo de Prevención da Dependencia: 981 544 640
Sitios web do Concello de Rianxo (https://concelloderianxo.gal)

Estadías para familias en residencias de tempo libre

2025-05-07T12:14:04Z

A Consellería de Política Social e Igualdade convoca o procedemento de adxudicación de estadías e servizos nas residencias de tempo libre adscritas a esta consellería no ano 2025.

Este programa destinado o desfrute do lecer das familias e posibilitar o acceso de familias a un período vacacional, levarase a cabo na Residencia de Tempo Libre do Carballiño (Ourense) e Panxón-Nigrán (Pontevedra).

As estadías comprenderán:

Aloxamento en réxime de pensión completa durante a quenda adxudicada.
Servizo de aloxamento que inclúe a limpeza diaria.

PERSOAS BENEFICIARIAS:

Poderán ser beneficiarias todas as persoas integrantes dunha unidade familiar que teñan a súa residencia en territorio español. Igualmente, poderán acollerse a esta orde os galegos e galegas residentes no exterior.
Non se valorarán as solicitudes que inclúan persoas que gozasen dalgunha quenda na mesma residencia nalgunha das dúas convocatorias anteriores, salvo que existan prazas vacantes na quenda solicitada.

LUGAR DE PRESENTACIÓN:

- As solicitude presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia

PRAZO: ata o 21 de maio

MÁIS INFORMACIÓN:

Sede electrónica da Xunta de Galicia (https ://sede.xunta. gal )
Servizos Sociais Comunitarios Básicos do Concello de Rianxo.
Sitios web do Concello de Rianxo (https://concelloderianxo.gal)

Colaboración no financiamento dos Servizos Sociais

2025-04-03T06:48:27Z

A Deputación da Coruña publicou no BOP núm. 30 do 9 de febreiro de 2024, a resolución pola que aproba a concesión definitiva de subvencións correspondente ao programa FOPPSS/2024: PROGRAMA DE FINANCIAMENTO DOS SERVIZOS SOCIAIS COMUNITARIOS MUNICIPAIS NO ANO 2024.

O Concello de Rianxo figura como entidade beneficiaria cos seguintes módulos e contías:

	CONCELLO DE RIANXO	Exp. 2023000040514
MÓDULO	MÓDULO SUBVENCIONADO	ACHEGA
I	Persoal administrativo grupo C1 ou C2 (90%)	16.200,00 €
II	Persoal técnico A2	22.000,00 €
III	Persoal técnico A1	26.000,00 €
IV	Persoal auxiliar SAF libre concorrencia - Horas concedidas 7.200,00	86.400,00 €
	TOTAL	150.600,00 €

POS+ ADICIONAL Gastos Sociais Extraordinarios. Ano 2024

2025-03-28T13:55:17Z

A Deputación da Coruña aprobou o financiamento dos programas dos Servizos Sociais Comunitarios do Concello de Rianxo, por importe 64.793,40€.

POS+ ADICIONAL Gastos Sociais Extraordinarios. Ano 2024

2025-03-28T13:52:59Z

A Deputación da Coruña aprobou o financiamento de Axudas Técnicas por importe de 8.000€.

Colaboración no financiamento dos Servizos Sociais

2025-03-27T08:05:47Z

A Deputación da Coruña publicou no BOP núm. 59 do 27 de marzo de 2025, a resolución pola que aproba a concesión definitiva de subvencións correspondente ao programa FOPPSS/2025: PROGRAMA DE FINANCIAMENTO DOS SERVIZOS SOCIAIS COMUNITARIOS MUNICIPAIS NO ANO 2025.

O Concello de Rianxo figura como entidade beneficiaria cos seguintes módulos e contías:

	CONCELLO DE RIANXO	Exp.2024000046788
MÓDULO	MÓDULO SUBVENCIONADO	ACHEGA
I	Persoal administrativo grupo C1 ou C2	18.000,00 €
II	Persoal técnico A2	22.000,00 €
III	Persoal técnico A1	0,00 €
IV	Persoal auxiliar SAF libre concorrencia - Horas concedidas 4.000,00	56.000,00 €
	TOTAL	96.000,00 €

Club de saúde de Rianxo

2025-03-14T13:57:37Z

O Concello de Rianxo xunto a Asociación Española Contra o Cancro organizan o Club de Saúde de Rianxo. Esta iniciativa busca mellor a saúde integral- emocional, física e social- das persoas nas contornas rurais, ofrecendo ferramentas para fomentar un maior benestar.

Persoas Participantes: Esta dirixido a persoas con cancro, superviventes ou familiares.

Lugar: Centro de Saúde Rianxo

Datas: todos os xoves dende o 3 de abril de 2025

Horario: de 17:00 a 18:30

As prazas son limitadas e a inscrición é gratuíta.

Información e inscrición:

- Nos Servizos Sociais Comunitarios do Concello de Rianxo ( Ctra. de Tanxil, 12 // Telf: 981860061)

- Teléfono: 900 100 036

Mesa Redonda: a muller na nova industria dixital

2025-02-26T09:38:53Z

O xoves 6 de marzo, ás 10.15 h, no Auditorio de Rianxo, o Concello de Rianxo organiza unha mesa redonda coa participación do IES Félix Muriel e a empresa galega de eSports Lua Gaming, no marco do Pacto do Estado contra a violencia de xénero.

As mulleres participantes falarán sobre como afecta ás súas vidas profesionais o feito de seren mulleres, nun eido tan específico como o do entretemento dixital, as redes sociais, o gaming e a industria dos videoxogos.

Concepción González é Directora de Desenvolvemento na empresa de creación de videoxogos Electronic Arts.

Paula Quintela é creadora de contido e xogadora de, entre outros, Valorant.

Raquel PerryMCQueen é creadora de contido e social media na liga de Videoxogos Profesional.

Lucía Otero Serramito é alumna do IES Félix Muriel de Rianxo e integrante do grupo de Igualdade.

Este acto está aberto á asistencia do público xeral.

Rianxo termal

2025-02-20T08:47:50Z

O Concello de Rianxo, a través da Concellería de Política Social, organiza o programa RIANXO TERMAL, consistente nunha xeira de saídas ás Termas de Cuntis nos meses de marzo, abril, maio e xuño.

Persoas beneficiarias:

O programa está destinado a persoas maiores de 50 anos empadroadas no Concello de Rianxo.

Datas:

As saídas, que se efectuarán en horario de tarde, serán nas seguintes datas:

OPCIÓN 1: 13 de marzo, 10 de abril, 8 de maio e 12 de xuño
OPCIÓN 2: 13 de marzo e 8 de maio
OPCIÓN 3: 10 de abril e 12 de xuño

Condicións:

O custo do programa, que inclúe a entrada ás termas e o desprazamento en autobús dende Rianxo, ten un custo:
- OPCIÓN 1 : 80€ /persoa
- OPCIÓN 2 e OPCIÓN 3: 40€/ persoa

Prazas:

O programa conta cun máximo de 55 prazas.

Prazo:

A partir do día 21 de febreiro

Inscricións:

Liceo Marítimo de Rianxo, de luns a venres (de 10:00 a 13:00 horas)
A través dos seguintes teléfonos 881.862.225 / 881.987.471
Mediante WhatsApp ao 664.185.489

Tarxeta Benvida

2025-01-30T09:30:54Z

A tarxeta Benvida ten como finalidade paliar o custo que leva aparellado a crianza e coidado dos fillos e fillas, dirixíndose a contribuír ao pagamento dos gastos realizados no primeiro ano de vida do neno ou nena.

PERSOAS BENEFICIARIAS

1. Persoas residentes na Comunidade Autónoma de Galicia que dispoñan de DNI ou NIE e que se atopen nun dos seguintes supostos:

Atoparse na semana 21 ou posterior de xestación entre o 1 de xaneiro e o 31 de decembro de 2025.
Ter fillas ou fillos nados/as entre o 1 de xaneiro e o 31 de decembro de 2025.
Ter constituída a adopción, acollemento familiar permanente ou ser declarado/a en situación de garda con fins adoptivos dun o máis menores de ata tres anos de idade entre o 1 de xaneiro e o 31 de decembro de 2025

2. As galegas e galegos e os seus descendentes que se atopen en calquera dos dous supostos anteriores e, tendo residido fóra de España, retornen a Galicia durante o ano 2025.

3. Aquelas familias que obtiveran a axuda de carácter xeral de 1.200 € nas convocatorias dos anos 2023 e 2024 e non accedesen á axuda no segundo ano de vida e ata o que o neno faga tres anos, ou ata que se cumpran tres anos do ditado da resolución nos supostos de adopción ou garda con fins adoptivos por superar os ingresos previstos para iso, poderán beneficiarse da axuda no caso de experimentar unha variación á baixa da renda da unidade familiar que implique ter dereito a elas.

4. Aquelas familias que non optasen á dita axuda nas referidas convocatorias, por superar os 45.000 euros de renda familiar ou os 13.500 euros de renda per cápita, e experimentasen unha variación á baixa da renda da unidade familiar e concorran á presente convocatoria.

REQUISITOS

Que a persoa proxenitora solicitante teña a súa residencia habitual en Galicia.
Que a renda da unidade familiar da declaración do último período impositivo non supere os 45.000 €. No suposto de que os ingresos fosen superiores á dita contía, a renda per cápita non deberá superar os 13.500€.
Que a renda da unidade familiar non supere os 22.000 €, para ter dereito á ampliación da axuda.
Que a persoa proxenitora solicitante teña a súa residencia habitual nun concello cunha poboación inferior a 5.000 habitantes.
As persoas galegas emigrantes deberán ter retornado a Galicia no ano 2025 e deberán estar en posesión da nacionalidade española antes do dito retorno.
Para ter dereito á axuda excepcional prevista no artigo 4.4 (percibir a axuda un ano mais), a unidade familiar debe estar en situación de especial vulnerabilidade declarada polo órgano dos servizos sociais comunitarios básicos e ter un recurso do dito sistema público pendente de resolución.
Cumprir os requisitos establecidos no artigo 10 da Lei 9/2007, do 13 de xuño.
No suposto de ter concedida a Tarxeta Benvida durante o estado de xestación, non pode volver solicitarse esta axuda unha vez nacido o fillo ou filla e, igualmente, no caso de solicitudes para nenos/as en situación de garda con fins adoptivos, non pode volver solicitarse no momento de constituírse a adopción

TIPO DE AXUDA

Con carácter xeral, a contía total será de 1.200 € por cada fillo/a durante un ano a razón de 100 €/mes. No suposto de que o fillo ou filla que dá dereito á axuda sexa o terceiro/a ou sucesivo/a da unidade familiar a contía da axuda será de 2.400€ a razón de 200€/mes.
Para aquelas familias con renda igual ou inferior a 22.000 €, a axuda ampliarase no segundo ano de vida e ata que o neno ou nena cumpra os tres anos, ou ata que se cumpran tres anos da resolución para os supostos de adopción ou de garda con fins adoptivos.
As contías dos puntos anteriores incrementaranse un 25% no suposto de residencia en concellos cunha poboación inferior a 5.000 habitantes.
Excepcionalmente, a axuda poderá percibirse ata un ano máis sempre que a unidade familiar estea valorada polo órgano dos servizos sociais comunitarios básicos, en situación de especial vulnerabilidade, teñan un recurso do sistema público de protección social pendente de concesión e así o soliciten dentro dos dous meses anteriores á data en que o neno ou nena cumpra os tres anos.

LUGAR DE PRESENTACIÓN

Preferentemente por vía electrónica a través da sede electrónica da Xunta de Galicia (https://sede.xunta.es)
Na Dirección Xeral de Familia, Infancia e Dinamización Demográfica da Consellería de Política Social e Xuventude

PRAZO DE SOLICITUDE

Dous meses contados desde o día seguinte a aquel en que se produce o nacemento ou se dite a resolución administrativa ou xudicial para os supostos de adopción, garda con fins adoptivos ou acollemento familiar permanente.
No suposto de muller xestante, en calquera momento do ano 2025 sempre que supere as 21 semanas de xestación.
No suposto de que a persoa solicitante sexa emigrante retornada a Galicia en 2025 e sempre que o fillo ou filla nacera no dito ano 2025, o prazo será de tres meses, que se contarán a partir do día seguinte a aquel que conste na documentación que acredite fidedignamente a data de retorno a España.
As familias que puidesen ser beneficiarias nos termos indicados no artigo 3.3 disporán desde o 30 de xaneiro ata o 28 de febreiro de 2025 para esta finalidade, e deberán presentar o anexo III e, se procede, o anexo II, no caso de ter a axuda xeral ou o anexo I no suposto de non ter optado á axuda no ano de referencia por superar ingresos nesa anualidade
No suposto excepcional de ampliación da axuda ata un ano máis, a comunicación da situación de especial vulnerabilidade, anexo IV, realizarase dentro dos dous meses anteriores á data en que o neno ou nena faga os tres anos.

MÁIS INFORMACIÓN

Sede electrónica da Xunta de Galicia (https://sede.xunta.gal) e (http://politicasocial.xunta.gal)
Teléfono 012
Servizos Sociais Comunitarios Básicos do Concello de Rianxo,( Ctra. Tanxil, 12 . Teléf: 98186 00 61)

Xuntos polo Nadal

2024-10-31T12:16:05Z

O programa levarase a cabo na Residencia de Tempo Libre do Carballiño (Ourense) entre o día 24 de decembro e o día 7 de xaneiro.

No caso de quedar prazas sen adxudicar, valorarase dar media quenda ( do 24 de decembro ao 30 de decembro ou do 31 de decembro ao 7 de xaneiro).

O programa comprende os seguintes servizos:

Estadía na residencia durante 15 días (14 noites)
Aloxamento en habitacións compartidas e manutención en réxime de pensión completa. O aloxamento en cuartos individuais terá carácter EXCEPCIONAL, previo informe médico que acredite a súa necesidade.
Desprazamento en autobús dende Santiago de Compostela ata a Residencia de Tempo Libre do Carballiño e viceversa.
Actividades de animación sociocultural.

Requisitos:

Ter 60 anos, cumpridos no momento en que remate o prazo de presentación de solicitudes.
Estar empadroado nalgún concello galego.
Vivir so no seu domicilio e ter que pasar só/a as datas do Nadal.
Valerse por si mesmo e non padecer enfermidade transmisible con risco de contaxio, nin trastornos mentais ou condutuais non compensados que poidan alterar a convivencia durante o transcurso da estadía.

Recoméndase estar vacinado fronte a COVID-19 e a GRIPE segundo o calendario sanitario vixente.

Daráselle preferencia ás persoas que perdesen o seu cónxuxe ou persoa coa que convivisen nos últimos anos, os de maior idade, os de menor nivel de ingresos económicos e os que non participasen neste programa con anterioridade.

Prezo:

As persoas participantes asistirán de forma gratuíta, agás os gastos de desprazamento ata o lugar de recollida do autobús e viceversa.

Prazo:

Ata o día 25 de novembro de 2024

Máis información:

Servizos Sociais Comunitarios Básicos do Concello de Rianxo (Estrada de Tanxil, 12. Telf. 981 86 00 61 )
Departamentos de Traballo Social dos Centros de Saúde ou Hospitais.
Teléfono Social: 900 333 666 (gratuíto)
No seguinte enderezo web: http://politicasocial.xunta.gal/web/portal/portada

Solicitude

Declaración responsable

Becas municipais curso 2024-2025.

2024-10-16T12:44:59Z

Publicouse hoxe na Sede Electrónica do Concello o listado das solicitudes que precisan enmendar algunha documentación.

O prazo para facer a enmenda é do 17/10/2024 ata o 30/10/2024. A documentación a enmendar presentase no Rexistro Xeral do Concello ou na Sede Electrónica.

Listado de requerimentos

Becas municipais. Curso 2024-2025

2024-09-18T08:44:17Z

No día de hoxe sae publicado no Boletín Oficial da Provincia número 176 con data 12/09/2024 as bases reguladoras das becas municipais.

Pre-inscrición no servizo Rianxo Madruga 2024

2024-07-25T06:00:18Z

O Executivo de Julián Bustelo vén traballando na posta en funcionamento dun servizo de conciliación familiar para o curso 2024/2025.

Prevese que o dito servizo consista, fundamentalmente, na custodia, coidado e atención do alumnado antes do inicio de cada xornada lectiva nos seguintes centros escolares: CEIP ADR Castelao, CEP Ana María Diéguez e CEP Xosé María Brea Segade.

O servizo, cuxa xestión se sacará a licitación nas próximas semanas, prestarase todos os días lectivos do curso escolar 2024/2025 e terá un custo estimado para o alumado usuario de 35€/mes (aplicaranse bonificacións en caso de familias monoparentais ou con varios usuarios no servizo). Prevese que o alumado usuario do servizo poida acceder á instalación no que se preste en calquera momento da franxa comprendida entre a hora de inicio do servizo e a hora de inicio das clases.

Coa única finalidade de recoller datos sobre as persoas demandantes do servizo previa a súa posta en funcionamento, ponse a disposición delas un formulario de pre-inscrición que deberá remitirse á Concellería de Política Social antes do día 2 de agosto de 2024 a través do seguinte enderezo: ana.vidal@concelloderianxo.gal

Formulario de pre-inscrición