Novas Tecnoloxías

Formacións sobre o bo uso dos videoxogos e benestar e prevención de riscos dixitais

2025-12-11T12:32:44Z

O Concello de Rianxo organiza dous cursos formativos de balde dirixidos ás familias, á mocidade e ao persoal educador.

CURSO: "O bo uso dos videoxogos”

22, 23 e 26 de decembro
de 10.00 a 12.30 h
Auditorio de Rianxo

CURSO: "Benestar e prevención de riscos dixitais"
- 29 e 30 de decembro e 2 de xanero
- de 10.00 a 12.30 h
- Auditorio de Rianxo

Obxectivos dos cursos

Fomentar un uso responsable e equilibrado dos videoxogos.
Recoñecer sinais de uso excesivo ou problemático e aplicar medidas de prevención.
Coñecer os riscos dixitais máis comúns (ciberacoso, grooming, estafas en liña, exposición a contidos inapropiados, etc.).
Promover hábitos de benestar dixital, tanto no eido familiar como no educativo.
Aprender a configurar os controles parentais, os sistemas de privacidade e pautas de seguimento.

Dirixidos a:

Nais, pais e titores/as.
Adolescentes e mocidade.
Profesorado, monitorado e profesionais do ámbito socioeducativo.

Estas accións formativas están financiadas pola Xunta de Galicia e as persoas que as completen recibirán un certificado oficial.

Inscrición no formulario en liña: https://forms.gle/yKQ8CSHtiX2yS5X49

O mundo dixital en familia. Ferramentas para unha convivencia saudable

2025-06-25T08:15:57Z

No marco do eventoRianxo Gaming 2025, o Concello de Rianxo organiza unha charla sobre "O mundo dixital en familia".

Nesta actividade, que será a primeira da xeira de xornadas formativas e de convivencia do programa Escolas de familias 2025, abordaremos as ferramentas para unha convivencia saudable coas novas tecnoloxías.

O mércores 25 de xuño ás 20.00 h no salón de actos do Auditorio de Rianxo, impartida por Lua Gaming.

Rianxo Gaming 2025, a feira de videoxogos de Rianxo

2025-06-25T08:07:54Z

O 5 de xullo, ao longo de toda a xornada, desenvolverase a terceira edición do Rianxo Gaming, a feira de videoxogos de Rianxo, no Campo de Arriba (Praza Castelao).

A feira inclúe múltiples actividades de xogo libre, mostra de xogos retro, arcades, tendas, xantar e torneos de Mario Kart, Brawl Stars, EA Sports FC e Smash Bros, e coa novidade dos xogos de mesa e torneo de cartas coleccionables de Pokémon TCG.

O punto musical virá da man de Gallos del Norte e da Banda de Música Vila de Cedeira, co concerto "Are you ready to play?" ás 22.30 h.

Toda ainformación sobre os distintos eventos pódese consultar no perfil do Instagram específico do evento @rianxogaming: https://www.instagram.com/rianxogaming/

Inscricións nos torneos: https://forms.gle/WuFCdgkKm6BZhTBY9 

O evento está organizado e patrocinado polo Concello de Rianxo e a produción de Lua Gaming. Participan Faneka Gming, Gallos del Norte, Counter Slime, Volvemos a Primera producciones, Astora Comics, Sol Maya, Beest ·D Galicia, Vella Escola Cultura Urbana, Recuncho Gamer, A Moreniña e a Banda de Música Vila de Cedeira.

Patrocinan ou colaboran Xanela, Creade Impresión Digital, Fibra Rianxo, Librería Cándido, Ramón y Óscar Tubío, Rent Galicia Inmobiliaria, Kiosco José Ramón e a Escola de Música de Rianxo.

Actividade sobre ciberseguridade e videoxogos nos centros de ensino

2025-05-07T17:18:22Z

O Concello de Rianxo ofrece, un ano máis, dúas actividades sobre ciberseguridade e videoxogos aos centros escolares de ensino primario do municipio.

As crianzas poderán aprender as bases da creación de videoxogos, unha das pólas da industria cultural de máis éxito na actualidade.

Por outra banda, aprenderán sobre os perigos derivados do uso das tecnoloxías dunha forma amena a través da historia dos videoxogos.

Esta semana visitaremos o CEIP Ana María Diéguez de Asados, e a vindeira semana será a quenda do CEP Brea Segade de Taragoña.

Rianxo Gaming 2024, feira de videoxogos

2024-08-08T22:09:28Z

O Rianxo Gaming é un evento anual dedicado ao mundo dos videoxogos que promove o seu valor cultural e educativo.

Cun formato de feira, o evento inclúe unha variedade de actividades como charlas, obradoiros, competicións de eSports, retro-gaming, realidade virtual, tendas e música en directo.

No apartado de divulgación educativa, este ano haberá dúas charlas orientadas á mocidade e ás familias: "Mulleres gamers, retos e desafíos" é unha mesa redonda para coñecer a perspectiva das mulleres na industria do gaming, da man dalgunhas das súas protagonistas, gamers e influencers, que falarán sobre as súas propias experiencias. "Familia, eu quero ser youtuber" vai dirixida ás familias para axudar a coñecer as oportunidades laborais que xorden da creación de contidos para as redes sociais, pero tamén dos riscos que van asociados a este tipo de actividades.

O evento está promovido polo Concello de Rianxo e a produción técnica é de Lúa Gaming, a empresa galega de eSports e eventos.

No evento participan o Museo do Videoxogo, A Vella Escola Cultura Urbana, a Escola de Música de Rianxo, e no apartado audiovisual coa realización de Volvemos a Primera Producciones .

Colaboran co evento A Túa Xanela, ROT SL, Mínimo Eventos, Creade Impresión Dixital, BEEP Rianxo, Libreria Xacobiño, Librería Cándido, Kiosco José Ramón, Rent Galicia Inmobiliaria e Asociación A Moreniña.

Máis información: gamingrianxo@gmail.com ou Instagram @rianxogaming

VOLUNTARIADO

Se queres participar como voluntaria/o, escríbemos no Instagram @rianxogaming ou por correo a gamingrianxo@gmail.com

TORNEOS PRINCIPAIS ((Mario Kart, EA SPORTS FC24, Brawl Stars)

Inscrición
Regulamentos: Mario Kart, EA SPORTS FC24, Brawl Stars
Autorización para menores de 16 anos

A Sede Electrónica permite recuperar todos os documentos electrónicos xa presentados

2024-07-22T07:42:30Z

A Sede Electrónica do Concello de Rianxo permite, desde xa, buscar e recuperar de forma doada todos os documentos electrónicos que se presentaron a través dela.

Esta nova funcionalidade da Sede permite avanzar nos obxectivos da modernización tecnolóxica das administracións públicas. Así, calquera documento xa presentado pode ser recuperado para unha nova solicitude ou trámite.

O acceso faise a través da sección Os meus documentos que está localizada na sección As miñas xestións.

Para o acceso á Sede Electrónica e a presentación de documentación é necesario certificado electrónico, DNI electrónico ou Cl@ve, que podes obter de forma doada no Rexistro Xeral do Concello ou no Auditorio co novo servizo de activación de Cl@ve Permanente.

O Concello de Rianxo convértese en punto de rexistro e activación de Cl@ve

2024-07-01T06:41:41Z

O Concello de Rianxo vén de darse de alta como oficina de rexistro e activación de Cl@ve.

Isto supón que a veciñanza pode acudir ao Rexistro Xeral ou aos departamentos de Informática ou Xuventude para obter ou renovar a súa Cl@ve Permanente ao momento e sen ter que desprazarse.

Cl@ve permite realizar trámites con todas as administracións públicas do Estado como rexistrar solicitudes, presentar documentación, facer consultas ou obter certificados, desde a casa ou o móbil e sen ter que gardar cola ou desprazarse.

Podes obtelo nas seguintes oficinas municipais:

Rexistro Xeral, Casa do Concello, Praza Castelao 1, en horario de 09.00 a 13.00 h
Departamentos de Informática e Xuventude, no Auditorio de Rianxo, Rúa dos Autores da Rianxeira, en horario de 08.00 a 15.00 h (recoméndase pedir antes cita previa no 981100688)

Só necesitas presentar o DNI e, no caso de seres menor, que che acompañe o teu pai, nai ou titor/a e un documento acreditativo do parentesco (libro de familia, certificado do rexistro civil ou resolución xudicial da patria potestade)

Algúns dos trámites que podes facer con Cl@ve:

Presentar solicitudes no Concello de Rianxo a través da Sede Electrónica
Obter ao momento un certificado de empadroamento
Enviar documentación á Xunta de Galicia e rexistrar solicitudes
Consultar e modificar os datos catastrais dos teus inmobles
Obter a túa vida laboral
Presentar a declaración da Renda
Xestionar as demandas de emprego e as prestacións
Obter certificados de antecedentes penais ou de delitos sexuais
Consultar os puntos do carné de conducir
Trámites co sistema educativo e universidades
e moitos máis

Cese das emisións da TDT en definición estándar

2024-02-14T07:53:41Z

O Concello de Rianxo dá traslado deste comunicado enviado pola FEGAMP sobre o cese das emisións de TDT en definición estándar:

Ante a previsión do fin das emisións en calidade estándar (SD) da TDT para o vindeiro 14 de febreiro de 2024, despois de que se ampliase o prazo desde o 1 de xaneiro de 2023, e das informacións aparecidas nos medios de comunicación sobre a afectación desta situación aos concellos e usuarios que teñen que empregar un decodificador vía satélite en Galicia, dende a FEGAMP achegamos a seguinte información tanto do Ministerio de Transformación Dixital como da Xunta de Galicia.

No caso do Ministerio de Transformación Dixital, facilitaron a seguinte información:

Para saber se dispón de cobertura de TDT na súa localidade, pode:
1.- A través do buscador de frecuencias introducindo o seu código postal, na ligazón
• https://televisiondigital.mineco.gob.es/2DD-5G/Paginas/Que-tengo-que-hacer.aspx

2.- Pórse en contacto co seu instalador de telecomunicacións habitual, que lle indicará cal é o estado de cobertura no lugar de seu interese. Para localizar un instalador de telecomunicacións rexistrado na súa localidade, pode consultar o Rexistro de Instaladores de Telecomunicación da Secretaría de Estado de Telecomunicacións e Infraestruturas Dixitais:
• https://avancedigital.mineco.gob.es/RegistroInstaladores/Paginas/ConsultaInstaladores.aspx

Para atender todas as cuestións dos concellos sobre este asunto púxose en marcha a Oficina Técnica de Ayuntamientos (OTA) e se lles pode contactar por:
• e-mail: ayuntamiento@llega700.es
• Teléfono: 900 831 902

Para máis información, novas e temas de interese
• https://televisiondigital.gob.es

No caso da Xunta de Galicia, a Secretaria Xeral de Medios diríxenos á Oficina da TDT en Galicia:
    • Teléfono: 881 866 388
    • Correo electrónico: oficinatdt@xunta.gal
    • Páxina web: www.tdtgalicia.gal

Sobre as axudas anunciadas polo presidente da Xunta de Galicia despois do Consello de Goberno do pasado xoves 8 de febreiro, solicitouse á Secretaría Xeral de Medios da Xunta de Galicia que envíe a información sobre como poder percibir e xestionar esas axudas, para achegala inmediatamente á veciñanza."

A autobús da campaña itinerante “Generación D” fai parada en Rianxo

2023-06-16T09:32:42Z

O autobús de “Generación D” fai parada en Rianxo con xogos e actividades didácticas, totalmente gratuítos, que axudarán á veciñanza a potenciar a dixitalización e poñer freo á fenda dixital.

O autobús parará en Setefogas os días 19 e 20 de xuño de 10 a 13.30 e de 17 a 20.30 h.

A frota de “Xeración” D, formada por seis autobuses, desprégase pola provincia da Coruña coa fin de desenvolver e mellorar as competencias dixitais da cidadanía, aprender a sacar partido das oportunidades da dixitalización e coñecer novas ferramentas. As persoas visitantes das diferentes unidades móbiles poderán poñer a proba os seus coñecementos na materia a través dunha experiencia dixital inmersiva.

Buscadores da internet, redes sociais, ciberseguridade, xestións online... A dixitalización forma parte do día a día. Por iso, esta experiencia, pensada para todos os públicos, ofrece aos usuarios multitude de recursos e orientación para o sinxelo desenvolvemento das súas competencias dixitais. As actividades son totalmente gratuítas e teñen unha duración aproximada duns 30 - 40 minutos.

Unha experiencia personalizada e para todos os públicos

O interior da unidade móbil está equipado con tecnoloxía inmersiva que convida a participar nunha serie de actividades prácticas para fomentar e incentivar o desenvolvemento das competencias dixitais.

A experiencia é completamente personalizada e axústase ás necesidades de cada usuaro.

Por iso, o visitante comezará enfrontándose a un test autodiagnose que permitirá coñecer o seu nivel de coñecemento dixital para despois superar xogos e actividades en grao sumo variadas e de todos os niveis: desde aprender a realizar unha procura óptima na internet ata fuxir das ‘fake news’, optimizar o uso das túas redes sociais ou xestionar a túa identidade dixital. Ademais, o autobús contará cunha sala de escape na que as persoas visitantes terán que poñer en práctica o aprendido se queren resolver o xogo e lograr saír da sala.

E para aquelas persoas que queiran aprender da man de formadores profesionais, nas unidades impartiranse talleres grupais e mesas redondas contorna á actualidade dixital.

O mellor de todo? Que todas as actividades suman puntos! Segundo o número de usuarios que interactúen no autobús, a localidade conseguirá posicionarse no posto número un da clasificación xeral de municipios de España. O municipio que máis puntos obteña... terá un premio!

A campaña “Xeración D” está financiada polos Fondos Europeos – Next Generation a través da Secretaría de Estado de Dixitalización e Intelixencia artificial (SEDIA), dependente do Ministerio de Asuntos Económicos e Transición Dixital. Unha iniciativa enmarcada no Plan de Recuperación, Transformación e Resiliencia que recolle, entre os seus eixos estratéxicos, o reforzo das competencias dixitais dos traballadores e do conxunto da cidadanía coa creación do “Pacto pola Xeración D”.

O Pacto, integrado no Plan Nacional de Dixitalización, conta cunha páxina web (www.generaciond.gob.es) na que se pode realizar o test autodiagnóstico para coñecer as habilidades dixitais de forma sinxela, así como coñecer as distintas iniciativas formativas promovidas polas entidades adheridas ao Pacto.

#generaciond

Diptico informativo (PDF)

Rianxo Gaming 2023: feira de videoxogos

2023-05-10T15:51:19Z

O Concello de Rianxo presenta o evento Rianxo Gaming Experience, unha feira sobre o mundo do videoxogo como produto cultural e de entretemento, tanto desde a divulgación de contidos educativos mediante charlas e talleres dirixidos, como tamén desde o ámbito competitivo dos eSports, ademais doutros contidos relacionados, como o Cosplay, PixelArt e postos de venda e gastronomía.

Haberá tamén espazo para a música en directo. A hora do xantar estará amenizada polos Funky Kongs con música de videoxogos, e a Banda da Escola de Música de Rianxo pechará a xornada cun concerto sinfónico de bandas sonoras de videoxogos.

O evento está financiado polo Concello de Rianxo; a produción corre a cargo de Lua Gaming e conta coa participación da Fundación Museo do Videoxogo, Galicia Gamer e a asociación A Vella Escola, con talleres e actividades divulgativas, lúdicas e competitivas, que o equipo de Volvemos a Primera Producciones emitirá en streaming ao longo de toda a xornada.

Colaboran co evento varias empresas e entidades colaboradoras: A túa Xanela, Ramón y Óscar Tubío (ROT), Creade Impresión Digital, BEEP Rianxo, Mínimo Eventos, Librería Xacobiño, Librería Cándido e a Asociación A Moreniña.

Todo isto terá lugar o vindeiro 8 de xullo no Campo de Arriba (Praza Castelao), durante toda a xornada.

Podedes seguir todas as novidades sobre este evento no seu propio perfil @rianxogaming na rede social Instagram: https://www.instagram.com/rianxogaming/

O evento está aberto a máis colaboracións ou patrocinios publicitarios, a novas propostas de organización de actividades, e tamén á inscrición de persoas voluntarias que queiran participar na organización do evento. Mediante contacto co perfil social de Instagram ou no correo gamingrianxo@gmail.com podedes enviar as vosas propostas para a súa valoración.

Automatización da emisión dos certificados de empadroamento na Sede Electrónica

2023-03-22T13:48:51Z

A partir de hoxe é posible obter os certificados de empadroamento individuais, histórico e negativo ao momento na Sede Electrónica do Concello de Rianxo, sen agardas nin desprazamentos.

O proceso é doado. Abonda con acceder á Sede Electrónica do Concello de Rianxo cun certificado electrónico ou Cl@ve e iniciar un trámite de Certificado de Empadroamento. Tras introducir os datos e asinar a solicitude, o certificado xa estará dispoñible para a súa descarga na carpeta do cidadán.

Este proceso automático só é posible para os certificados individuais (e os individuais histórico e negativo), mais non para os certificados colectivos, que requirirán a comprobación previa do persoal municipal de que existe a autorización de todas as persoas que convivan no mesmo domicilio a figuraren os seus datos no certificado.

Talleres de certificado dixital e uso de móbil e tablet

2023-03-17T14:04:47Z

O Concello de Rianxo organiza dous talleres de iniciación á tecnoloxía.

Taller de certificado dixital e Sede Electrónica: aprenderase a obter un certificado dixital e a realizar xestións con el nas sedes electrónicas das administracións.

O 25 de marzo será unha xornada previa na que se darán os pasos necesarios para solicitar un certificado electrónico, que se obterá ao longo da semana. Tamén se pode participar co certificado propio.

O taller terá lugar os días 3, 4 e 5 de abril de 10.30 a 12.00 h na Aula de Informática do Auditorio de Rianxo.

Taller de manexo de móbil ou tablet: para iniciar ás persoas adultas no manexo destes dispositivos. Para asistir a este taller débese traer o propio móbil ou tablet.

Este taller desenvolverase os xoves de abril e maio de 18.15 a 19.45 h no Auditorio de Rianxo.

Os talleres son gratuítos e a admisión será por orde de inscrición. É necesario un mínimo de participantes para desenvolver os talleres.

Para inscribirse, pódese acudir ao Auditorio de Rianxo ou facelo en liña aquí: https://concelloderianxo.gal/web/forms/shared/-/form/3484171

Ampliación do despregamento de fibra óptica de RedeAberta para a cobertura total do municipio

2023-02-03T09:38:19Z

Ao longo do ano 2022 o proxecto de colaboración que se está a desenvolver entre o Concello de Rianxo e RedeAberta.gal para despregar unha rede neutral de fibra óptica no municipio tornou efectivo en boa parte das parroquias de Rianxo, Taragoña e Leiro, co despregue inicial de fibra e a captación dos primeiros clientes.

A empresa instaladora de RedeAberta, Vento Rede, vén de ser adxudicataria dos incentivos do programa UNICO-Banda Ancha do Ministerio de Asuntos Económicos e Transformación Dixital, para completar a cobertura en varios municipios da provincia da Coruña, entre eles o de Rianxo.

Como consecuencia, RedeAberta vaise estender á totalidade dos núcleos de poboación do municipio rianxeiro. Para facilitar a chegada ás poboacións máis remotas, estase a explorar un acordo de colaboración para o uso dalgunhas infraestruturas municipais, como os postes de alumeado público, para a extensión da rede, o que permitirá achegar a fibra óptica ata os lugares de Cerqueiras, O Vilar, Varela e Campelo, entre outros.

A data prevista para a finalización desta ampliación é abril de 2023.

O Concello de Rianxo pide a colaboración da veciñanza para permitir e facilitar o tendido dos fíos de fibra óptica polos espazos regulados, como fachadas, postes e arquetas, así como o acceso dos operadores para a instalación cando están situados en propiedade privada, xa que é este un servizo que beneficia ao conxunto da veciñanza.

O servizo de fibra óptica de RedeAberta pódese contratar a través dos operadores seguintes, ademais doutros servizos de telefonía móbil, sen fíos e televisión que ofrecen:

FibraRianxo / Pizpireta Telecom
A Túa Xanela
Toxo Telecom
Juifi Telecom
Grelo Comunicacións
Evoa
Aurea Telecom
Itegal
ItSarria
Bit Telecom
7Play

Actividades sobre ciberseguridade e videoxogos nos centros de ensino

2022-12-19T16:24:29Z

O Concello de Rianxo organiza dúas actividades nos centros escolares municipais ao longo dos curso 2022-23, dirixidas ao alumnado de 5º e 6º de Primaria.

A primeira actividade é un relatorio sobre seguridade e tecnoloxía: "Non enredes nas redes: virus, videoxogos, hackers e youtubers...". Un percorrido pola historia das ameazas e perigos nas redes relacionadas co lecer das crianzas: videoxogos, redes sociais e contidos na rede.

A segunda actividade consiste nun obradoiro de elaboración dun videoxogo sen coñecementos de programación no que, desde cero, as crianzas poderán construír, en moi pouco tempo, un pequeno videoxogo para dispositivos móbiles.

A primeira actividade terá lugar o 20 e 21 de decembro no CEIP Castelao de Rianxo. Ao longo do curso repetirase no CEIP Ana María Diéguez e no CEP Brea Segade de Taragoña.

Fin do Campamento Tecnolóxico

2022-08-16T08:09:48Z

Rematou o Campamento Tecnolóxico do Concello de Rianxo, que durante dúas semanas, do 1 ao 12 de agosto, achegou a 16 mozos e mozas rianxeiros varias actividades relacionadas con diferentes eidos da tecnoloxía.

Os contidos cubriron un amplo campo e diversas temáticas, pero sempre enfocando as actividades ao desenvolvemento da creatividade:

Creatividade artística e musical, con obxectos interactivos, mediante circuítos electrónicos
Historia dos gráficos nos videoxogos e pixel art para crear personaxes
Deseño web con HTML e CSS, e programación web con Javascript para o deseño de xogos
Creación de xogos 2D con GDevelop
Deseño e programación de robots con Arduino
Gamer por un día: preparación dun evento de streaming

Admisión no Campamento tecnolóxico de verán para a mocidade

2022-07-19T07:17:38Z

O Concello de Rianxo organiza un campamento tecnolóxico para mozos e mozas durante a primeira quincena de agosto.

O campamento consistirá en actividades tecnolóxicas de marcado carácter creativo, orientadas a rapaces e rapazas de idades comprendidas entre os 12 e 17 anos. Terá lugar na Aula de Informática do Auditorio de Rianxo e o número de prazas é de 16.

A finalidade destes obradoiros é favorecer un uso práctico e creativo, pero tamén crítico, da tecnoloxía, á vez que igualitario, nos que haxa unha participación equitativa entre nenos e nenas, rachando con estereotipos de xénero.

Algúns dos contidos a desenvolver serán:

Deseño de personaxes de videoxogos, xogando cos pixels.
Uso de programas en 2D para videoxogos.
Gamer por un día.
Creatividade (arte e música) con circuitos electrónicos.
Programación e mundo hacker.
Arduino e robótica.

As solicitudes de inscrición rexeranse polas BASES DE PARTICIPACIÓN. O envío da solicitude implica a aceptación das bases.

Bases de participación (PDF)
Formulario de solicitude de inscrición (pechada)

18-07-2022

Alumnado excluído por non cumprir co requisito de idade (cláusula 2 das Bases)

ABEL ORDÓÑEZ SOMOZA

Alumnado non empadroado no municipio de Rianxo:

BALTASAR ALCALDE RODRÍGUEZ

HUGO RIVAS RODRÍGUEZ

MATEO TOURIS ABUIN

PABLO LUIS VILLAMOR FERNÁNDEZ

PABLO TUBÍO LORENZO

RAUL FERREIRA GODON

Alumnado empadroado no municipio de Rianxo:

AHINOA COSTAS FERRO

ALEXANDRE HERMO CAAMAÑO

AMARO FRANCO GONZALEZ

ARTUR CES BRAVO

CANDELA ALCALDE ARES

DANIEL CORA MIGUENS

FROILÁN RIVEIRO SUÁREZ

JOEL COSTAS FERRO

LOIS DURO LOSADA

MANUEL ERNEST CHAUVET

MATEO FIGUEIRO REGENJO

MAYRA FIGUEIRO REGENJO

MIKEL CEBREIRO MARTIN

RODRIGO IGLESIAS FREIRE

XIAN SUAREZ DURO

YOEL ARCOS ORDOÑEZ

CRITERIOS DE SELECCIÓN:

Hai 16 solicitudes de mozos e mozas empadroados no municipio, polo cal asígnanse directamente ás 16 prazas dispoñibles, seguindo o exposto no punto 2 das Bases.

As demais solicitudes pasan a formar parte da listaxe de agarda, para a que se sorteará a orde nun sorteo público no Salón de Plenos do Concello de Rianxo o día 18 de xullo ás 13.30 h e cuxo resultado pùblicarase neste mesmo espazo.

As persoas admitidas serán contactadas nos vindeiros días para confirmar a súa participación na actividade.

19-07-2021

RESULTADO DO SORTEO DA ORDE DA LISTAXE DE AGARDA

O 18-07-2021 ás 13.30 h realizouse un sorteo público na Casa do Concello ante a secretaria accidental para determinar a orde da listaxe de reserva.

O resultado do sorteo foi o seguinte:

1	RAÚL FERREIRA GODÓN
2	HUGO RIVAS RODRÍGUEZ
3	PABLO TUBÍO LORENZO
4	MATEO TOURÍS ABUIN
5	BALTASAR ALCALDE RODRÍGUEZ
6	PABLO LUÍS VILLAMOR FERNÁNDEZ

O alumnado desta listaxe será chamado en orde no caso de producirse algunha vacante na actividade.

O proxecto de fibra neutral de Rede Aberta xa é unha realidade coa creación de Fibra Rianxo, un teleoperador local

2021-12-27T16:11:04Z

O proxecto de colaboración que se está a desenvolver entre o Concello de Rianxo e RedeAberta.gal para despregar unha rede neutral de fibra óptica vén de materializar a primeira teleoperadora local FibraRianxo.com, que será a empresa de telecomunicacións que prestará os servizos de Internet a través de RedeAberta, ademais doutras solucións de conectividade para zonas rurais e de telefonía móbil.

A rede empezarase a despregar ao longo de 2022 en 3 fases, ata chegar "ata a última casa da última aldea", seguindo a mesma filosofía que RedeAberta está a desonvolver noutros concellos nos que xa ten presencia.

Con esta colaboración o Concello de Rianxo pretende axudar a dar solución aos problemas de cobertura de redes de alta velocidade que sofren non poucos núcleos rurais e incluso urbanos do municipio.

Enquisa de cobertura e incidencias nas instalacións de fibra óptica

2021-10-27T06:48:41Z

O Concello de Rianxo e a operadora de telecomunicacións galega RedeAberta.gal están a poñer en marcha un proxecto de colaboración para a despregadura dunha rede neutral de fibra óptica no noso municipio.

O obxectivo principal de Rede Aberta é proporcionarlle ao rural galego conectividade de fibra óptica de nova xeración, e que esta chegue "ata a última casa da última aldea", utilizando diferentes medios e infraestruturas, tanto privados como públicos, e impulsando a implicación de empresas operadoras locais e comarcais para a dotación do servizo de datos.

Co fin de recoller datos sobre as dificultades que a veciñanza ten á hora de solicitar as súas conexións de fibra óptica coas operadoras de telecomunicacións que actualmente ofrecen este servizo, tales como falta de cobertura, dificultade para atopar o número ou a finca, denegación de permiso de particulares ou a necesidade de infraestruturas (postes, conducións...) adicionais, o Concello de Rianxo pon en marcha unha enquisa para complementar o traballo que o equipo técnico de Rede Aberta xa está a realizar polo territorio municipal.

Acceso á consulta

Os datos recollidos serán cedidos a Rede Aberta coa única finalidade da redacción do proxecto e de ofrecer información futura á veciñanza interesada.

Obradoiros de tecnoloxía STEAM, derrubando estereotiopos.

2021-09-20T12:06:52Z

A (Asociación Galega de empresas de Software Libre (AGASOL), no marco do seu convenio de colaboración coa AMTEGA, ofrece dous talleres dentro do proxecto Girl STEAM, derrubando estereotiopos, que está xirando por 18 concellos.

O obxectivo deste proxecto é motivar as vocacións tecnolóxicas entre a mocidade, especialmente entre as rapazas, para que aposten por carreiras STEAM (siglas en inglés de Ciencia, Tecnoloxía, Enxeñaría, Artes e Matemáticas) e polas profesións do ámbito das TIC.

Os contidos dos talleres son os seguintes, adaptados ás idades e caracterśiticas de cada grupo, introducindo cuestións como igualdade, sentido crítico ante a tecnoloxía ou o seu uso de xeito creativo, máis aló do mero consumo, a colaboración e o traballo en equipo, así como a importancia das artes como ferramenta de desenvolvemento:

Tarxeta micro:bit: para aprender a programar de xeito fácil e divertido
Maching learning for kids: ferramenta para achegarnos á Intelixencia Artificial
Makey Makey: kit de creación interactivo para experimentar, investigar, é ideal para practicar nunha contorna real a programación con Scratch.
Circuitos en papel: crearemos un circuíto eléctrico co obxectivo de facer billar un LED nun papel ou tela, tamén podemos incluír diferentes sensores e actuadores e facer cómics, postales pop-up, libros luminosos, papiroflexia interactiva...

Desenvolveranse dous talleres na Aula de Informática (Auditorio de Rianxo) cos seguintes horarios:

Venres 1 de outubro de 17 a 20 h, para a rapazada de 8 a 11 anos
Sábado 2 de outubro de 10.30 a 13.30 h, para a rapazada de 12 a 15 anos

As prazas son limitadas, e a inscrición de balde no correo electrónico xuventude@concelloderianxo.gal ou no teléfono 664 181 401.

Consulta pública sobre deficiencias na cobertura 4G

2021-08-05T07:34:16Z

A Secretaría de Estado de Telecomunicacións e Infraestruturas Dixitais (SETELECO) somete á consulta de todas as partes interesadas (operadoras, administracións públicas, CNMC...) a relación preliminar de zonas nas que se identificou que non existe na actualidade cobertura das redes de comunicacións móbiles 4G de calidade.

O obxecto da consulta é a obtención dun mapa definitivo de zonas elixibles para a concesión de axudas públicas do Estado para a realización de proxectos de provisión de infraestruturas que posibiliten que os servizos de telecomunicacións podan prestar os seus servizos de comunicacións móbiles de alta velocidade.

Por isto, o Concello de Rianxo abre á consulta da veciñanza a identificación de zonas con construcións nas que non existe cobertura móbil 4G a unha velocidade mínima de 10 Mbps.

As zonas incluídas no mapa preliminar pódense consultar neste mapa. Trátase de Brión, Abuín, Tronco, As Cortes e A Ermida.

Mapa preliminar de zonas elixibles

As veciñas e os veciños que queiran incorporar ao mapa definitivo que está a elaborar o dito ministerio novas zonas de baixa cobertura, poderán facelo enchendo este formulario, ata o 15 de agosto:

Formulario de consulta