Anuncios

TI TES A CHAVE, campaña de recollida dos residuos orgánicos a través do colector marrón

2025-11-04T08:59:07Z

O Concello de Rianxo presentou a campaña do colector marrón, a quinta fracción, que ten como uso exclusivo a recollida de residuos orgánicos. Este novo depósito, que ten a particularidade de estar pechado, vén de implantarse nalgunhas rúas do municipio. Case a metade do lixo que se recolle son residuos orgánicos, por iso é moi importante que toda a veciñanza se sume a esta nova campaña e recicle a orgánica xerada diariamente nas vivendas.

Segundo comentou a o Concelleiro de Medio Ambiente, José Alberto Angueira, durante a presentación “preténdese alcanzar os obxectivos e criterios de reciclaxe marcados pola Unión Europea e facer de Rianxo un concello máis sostible”.

O colector marrón vai a estar presente na maior parte das zonas urbanas do municipio. Durante as vindeiras semanas van a realizarse accións informativas para dar a coñecer o funcionamento desta nova práctica de reciclaxe e para que a veciñanza poida darse de alta na campaña e recoller a súa chave e kit de benvida.

As persoas interesadas en sumarse á nova reciclaxe poden rexistrarse na oficina do Servizo de Medio Ambiente, situada no Museo do Mar de Rianxo, ou a través da solicitude online FORMULARIO SOLICITUDE DE “TI TES A CHAVE” CONCELLO DE RIANXO.

Desde o Concello faise un chamamento especial á colaboración de grandes xeradores de orgánica. Nas próximas semanas van a dar comezo as visitas porta a porta aos establecementos de hostalaría e comercios que teñen como principal obxectivo informar da posta en marcha deste novo servizo de recollida.

Consulta pública cidadá sobre o REGULAMENTO DO FUNCIONAMENTO DO SERVIZO DE ATENCIÓN TEMPERA DO CONCELLO DE RIANXO

2024-11-06T13:58:43Z

Seguindo o disposto no artigo 133.1 da Lei 39/2015 do Procedemento Administrativo Común, publícase o borrador REGULAMENTO DO FUNCIONAMENTO DO SERVIZO DE ATENCIÓN TEMPERA DO CONCELLO DE RIANXO, coa fin de polo á disposición da cidadanía para consulta pública co obxectivo de mellorar a participación dos cidadáns no procedemento de elaboración de normas. Con carácter previo á elaboración do regulamento, solicítase a opinión dos suxeitos e das organizacións máis representativas potencialmente afectados pola futura norma acerca de:

a) Os problemas que se pretenden solucionar coa iniciativa.
b) A necesidade e oportunidade da súa aprobación.
c) Os obxectivos da norma.
d) As posibles solucións alternativas regulatorias e non regulatorias.

Os cidadáns, organizacións e asociacións que así o consideren poden facer chegar as súas opinións sobre os aspectos expostos no seguinte cuestionario durante o prazo de 10 días a contar desde o día seguinte ao de publicación do presente anuncio na web municipal, mediante a súa presentación en calquera dos lugares indicados no artigo 16 da Lei 39/2015, de 1 de outubro, do Procedemento Administrativo Común das Administracións Públicas.

REGULAMENTO DO FUNCIONAMENTO DO SERVIZO DE ATENCIÓN TEMPERA DO CONCELLO DE RIANXO (BORRADOR)

Consulta pública cidadá sobre o REGULAMENTO ORGÁNICO MUNICIPAL (ROM) DO CONCELLO DE RIANXO

2024-11-06T13:57:18Z

Seguindo o disposto no artigo 133.1 da Lei 39/2015 do Procedemento Administrativo Común, publícase o borrador REGULAMENTO ORGÁNICO MUNICIPAL (ROM) DO CONCELLO DE RIANXO, coa fin de polo á disposición da cidadanía para consulta pública co obxectivo de mellorar a participación dos cidadáns no procedemento de elaboración de normas. Con carácter previo á elaboración do regulamento, solicítase a opinión dos suxeitos e das organizacións máis representativas potencialmente afectados pola futura norma acerca de:

REGULAMENTO ORGÁNICO MUNICIPAL (ROM) DO CONCELLO DE RIANXO (BORRADOR)

Consulta pública cidadá sobre a REGULAMENTO DO FUNCIONAMENTO DO SERVIZO DE PRÉSTAMO DE AXUDAS TÉCNICAS DO CONCELLO DE RIANXO

2024-10-08T08:21:13Z

Seguindo o disposto no artigo 133.1 da Lei 39/2015 do Procedemento Administrativo Común, publícase o borrador REGULAMENTO DO FUNCIONAMENTO DO SERVIZO DE PRÉSTAMO DE AXUDAS TÉCNICAS DO CONCELLO DE RIANXO, coa fin de polo á disposición da cidadanía para consulta pública co obxectivo de mellorar a participación dos cidadáns no procedemento de elaboración de normas, con carácter previo á elaboración sobre REGULAMENTO DO FUNCIONAMENTO DO SERVIZO DE PRÉSTAMO DE AXUDAS TÉCNICAS DO CONCELLO DE RIANXO solicítase a opinión dos suxeitos e das organizacións máis representativas potencialmente afectados pola futura norma acerca de:

REGULAMENTO DO FUNCIONAMENTO DO SERVIZO DE PRÉSTAMO DE AXUDAS TÉCNICAS DO CONCELLO DE RIANXO

Consulta pública cidadá sobre a ORDENANZA REGULADORA DAS VIVENDAS DE CESIÓN TEMPORAL DE TITULARIDADE MUNICIPAL

2024-10-08T08:19:20Z

Seguindo o disposto no artigo 133.1 da Lei 39/2015 do Procedemento Administrativo Común, publícase o borrador ORDENANZA REGULADORA DOS CRITERIOS DE ADXUDICACIÓN, NORMAS DE FUNCIONAMENTO E UTILIZACIÓN DAS VIVENDAS DE CESIÓN TEMPORAL DE TITULARIDADE MUNICIPAL DO CONCELLO DE RIANXO, coa fin de polo á disposición da cidadanía para consulta pública co obxectivo de mellorar a participación dos cidadáns no procedemento de elaboración de normas, con carácter previo á elaboración sobre ORDENANZA REGULADORA DOS CRITERIOS DE ADXUDICACIÓN, NORMAS DE FUNCIONAMENTO E UTILIZACIÓN DAS VIVENDAS DE CESIÓN TEMPORAL DE TITULARIDADE MUNICIPAL DO CONCELLO DE RIANXO solicítase a opinión dos suxeitos e das organizacións máis representativas potencialmente afectados pola futura norma acerca de:

Os cidadáns, organizacións e asociacións que así o consideren poden facer chegar as súas opinións
sobre os aspectos expostos no seguinte cuestionario durante o prazo de 10 días a contar desde o día
seguinte ao de publicación do presente anuncio na web municipal, mediante a súa presentación en
calquera dos lugares indicados no artigo 16 da Lei 39/2015, de 1 de outubro, do Procedemento
Administrativo Común das Administracións Públicas.

ORDENANZA REGULADORA DOS CRITERIOS DE ADXUDICACIÓN, NORMAS DE FUNCIONAMENTO E UTILIZACIÓN DAS VIVENDAS DE CESIÓN TEMPORAL DE TITULARIDADE MUNICIPAL DO CONCELLO DE RIANXO

Festivos locais para o ano 2024

2023-07-31T07:02:39Z

Os festivos locais do Concello de Rianxo durante o vindeiro 2024 serán o martes 16 de xullo (Día do Carme) e o venres 20 de setembro (último día das Festas da Guadalupe). Así o decidiu o Pleno da Corporación Municipal na sesión ordinaria correspondente ao mes de xullo.

A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello. Dos outros 12 restantes, nove son de carácter obrigatorio e non substituíbles e tres fíxanos as Comunidades Autónomas.

Así, as festas do calendario laboral no 2024, incluídos os festivos locais de Rianxo, son: Aninovo, 1 de xaneiro; Epifanía do Señor (Día de Reis), 6 de xaneiro; Xoves Santo, 28 de marzo; Venres Santo, 29 de marzo; Festa do traballo, 1 de maio; Día das Letras Galegas, 17 de maio; Día do Carme, 16 de xullo; Día Nacional de Galicia, 25 de xullo; Asunción da Virxe, 15 de agosto; Venres de Guadalupe, 20 de setembro; Festa Nacional de España, 12 de outubro; Todos os Santos, 1 de novembro; Día da Constitución Española, 6 de decembro; e Natividade do Señor, 25 de decembro.

Cambio da sede de dous locais electorais en Taragoña e Isorna

2023-07-19T09:57:54Z

O domingo 23 de xullo de 2023 está convocado o proceso electoral para as Eleccións ás Cortes Xerais do Estado.

Dous dos locais electorais mudan de localización:

Distrito 3, sección 1ª, mesas A e B, trasládase desde a Escola Unitaria do Cruceiro ao antigo centro médico de Taragoña
Distrito 1, sección 4ª, mesa 1, trasládase da escola unitaria de Quintáns á Casa da República de Isorna

Consulta pública cidadá sobre a Ordenanza reguladora da Administración Electrónica

2023-03-13T12:31:37Z

Seguindo o disposto no artigo 133.1 da Lei 39/2015 do Procedemento Administrativo Común, publícase o borrador da Ordenanza reguladora da Administración Electrónica do Concello de Rianxo, coa fin de polo á disposición da cidadanía para consulta pública co obxectivo de mellorar a participación dos cidadáns no procedemento de elaboración de normas, con carácter previo á elaboración da Ordenanza reguladora da Administración Electrónica solicítase a opinión dos suxeitos e das organizacións máis representativas potencialmente afectados pola futura norma acerca de:

a) Os problemas que se pretenden solucionar coa iniciativa

b) A necesidade e oportunidade da súa aprobación

c) Os obxectivos da norma

d) As posibles solucións alternativas reguladoras e non reguladoras

Os cidadáns, organizacións e asociacións que así o consideren poden facer chegar as súas opinións sobre os aspectos expostos no seguinte cuestionario durante o prazo de 20 días a contar desde o día seguinte ao de publicación do presente anuncio no sitio web municipal, mediante a súa presentación en calquera dos lugares indicados no artigo 16 da Lei 39/2015, de 1 de outubro, do Procedemento Administrativo Común das Administracións Públicas.

Borrador da Ordenanza reguladora da Administración Electrónica

Obradoiro de Emprego Pazo de Rianxiño

2022-09-26T12:23:50Z

A Consellería de Promoción do Emprego e Igualdade da Xunta de Galicia ven de conceder unha subvención ao Concello de Rianxo para o desenvolvemento do OBRADOIRO DUAL DE EMPREGO PAZO DE RIANXIÑO por importe de 377.990,25 euros. O obradoiro irá destinado a 15 alumnos/as-traballadores/as, con contratos de formación dunha duración de 12 meses e o seu correspondente profesorado. O alumnado recibirá formación no ámbito da INSTALACIÓN E MANTEMENTO DE XARDÍNS E ZONAS VERDES que se centrarán nos xardíns e arborado do Pazo de Rianxiño contribuíndo ao seu mantemento e mellora, á vez que aprenden un oficio con amplas perspectivas de emprego.

Os traballos previstos abranguerán a conservación das arbores con valor ornamental, o acondicionamento de zonas axardinadas, a accesibilidade as mesmas pensando nas futuras usuarias e usuarios do centro de día. Tamén se eliminarán as especies danadas e en xeral o mantemento da finca durante un ano. Introducirase aos alumnos e alumnas do obradoiro nas sementeiras, plantacións, cortas, sistemas de rega, tratamentos fitosanitarios, entre outros.

Prevese o seu inicio a comezos de novembro e en vindeiras datas sairán publicamente as diferentes convocatorias de selección do persoal de formación e de solicitudes do alumnado.

O anterior obradoiro realizado en Rianxo o ano pasado centrouse nos menores de 30 anos e levou por nome Carnero Valenzuela II de confección e publicación de páxinas web.

Aprobación definitiva do Plan Municipal de prevención e defensa contra os incendios forestais do Concello de Rianxo

2022-06-08T06:50:13Z

O Pleno do Concello de Rianxo, en sesión ordinaria do día 26 de maio de 2022, aprobou definitivamente o Plan Municipal de prevención e defensa contra os incendios forestais do Concello de Rianxo, confeccionado pola empresa SEAGA, ao abeiro do convenio ao que este concello está adherido, subscrito pola colaboración entre a Xunta de Galicia, FEGAMP e SEAGA, en materia de prevención e defensa contra incendios forestais, para o establecemento dun sistema público de xestión da biomasa nas faixas secundarias.

Plan Municipal de prevención e defensa contra os incendios forestais do Concello de Rianxo (32,5 MB)

Concesión dos postos vacantes na Praza de Abastos do Concello de Rianxo

2021-08-11T12:31:40Z

Por Resolución da Alcaldía núm. 672/2021 do 9 de agosto de 2021, aprobouse a apertura da nova licitación que deseguido se recolle:

1. Entidade adxudicadora:

a) Organismo: Concello de Rianxo

b) Dependencia que tramita o expediente: Secretaría Xeral

2. Obxecto do contrato: concesión demanial dos postos vacantes no mercado municipal

3. Prazo duración da concesión:

A duración das concesión administrativas demaniais que se outorgan será polo tempo que oferte cada licitadora, que como mínimo será de 5 anos e máximo de 30 anos, a partir da data de sinatura do contrato de concesión demanial, tendo este prazo un carácter improrrogable

4. Tramitación e procedemento de adxudicación:

a) Tramitación ordinaria

b) Procedemento: aberto e múltiples criterios

12.1 Mellor oferta económica (1 a 40 puntos)

12.2 Ampliación do prazo de licitación (2 a 50 puntos)

13.3 Establecemento de actividades non existentes na praza do mercado (10 puntos)

(ver pregos artigo 12. Criterios de adxudicación)

5. Orzamento de licitación:

Postos / Metros / Importe canon anual €

- Bancada núm 4 10,70 189,59

- Posto núm. 5 15,45 273,75

- Posto núm. 6 15,45 273,75

- Posto núm. 8 31,30 554,60

- Posto núm. 9 31,30 554,60

- Posto núm. 15 30,00 531,57

- Posto núm. 16 30,40 524,57

- Posto núm. 17 31,00 549,28

6. Garantía provisional: non se esixe

7. Garantía definitiva: 5 % do importe de licitación

8. Requisitos específicos do contratista:

Clasificación: Non procede

Solvencia: Ver cláusula 16.

9. Presentación de ofertas ou das solicitudes de participación:

a) Lugar de Presentación: Rexistro Xeral do Concello.

b) Data límite de presentación de ofertas: 30 días hábiles desde o seguinte á publicación do anuncio de licitación no Boletín Oficial da Provincia, sen prexuízo da súa publicación no perfil do contratante.

c) Presentarase a documentación segundo o establecido no PCAP

10. Gastos de anuncios:

Non hai

11. Outra información:

Teléfono: 981 860 075 // 881 988 446

12. Perfil do contratante:

concelloderianxo.gal/perfildocontratante

Pregos de condicións (PDF)

Aprobación das contas xustificativas das axudas do PEL-Reactiva

2021-07-09T12:13:21Z

Publícase a relación das contas xustificativas das solicitudes das axudas do PEL-Reactiva, así como as daquelas que foron recorridas e estimadas de forma favorable.

Publicación da concesión definitiva das axudas do PEL-Reactiva

2021-04-29T08:17:35Z

O Concello de Rianxo resolveu a concesión das axudas do Fondo de Financiamento promovido pola Deputación da Coruña (PEL-Reactiva), coa finalidade de impulsar a actividade económica e o emprego no termo municipal e contribuír a paliar os danos derivados da pandemia da COVID-19 ás microempresas e persoas traballadoras por conta propia ou autónomas.

Publícase esta resolución de concesión definitiva segundo o establecido na base 11ª das Bases da convocatoria e notificarase ás persoas interesadas.

Decreto de concesión definitiva do PEL-REACTIVA

As empresas beneficiarias da subvención deben colocar nos seus establecementos o cartel xustificativo da concesión da dita subvención segundo o modelo que se indica:

Cartel de establecemento subvencionado (PDF)

Actualización dos horarios de autobuses (21.01.2021)

2021-01-22T09:21:31Z

A empresa concesionaria do transporte público comarcal, Monbus, achega unha nova táboa de rutas e horarios actualizados desde a posta en marcha do servizo.

Asemade, informan da inminente colocación dos paneis informativos cos horarios nas paradas máis relevantes.

Lembra que, en todo momento, podes utilizar o buscador de horarios desde dúas paradas concretas na web https://www.bus.gal/

Horarios actualizados (21.01.2021) (PDF)

Horarios e rutas de autobuses

2021-01-04T08:27:19Z

E empresa Monbus, concesionaria dos novos servizos de autobuses para Rianxo, como parte do Plan de transporte de viaxeiros por estrada da Xunta de Galicia, publicou os horarios, tarifas e bonos das novas rutas nun formato amigable.

Descarga das rutas e horarios (PDF)

Máis información (Monbus): https://www.monbus.es/es/noticias/332/monbus-inicia-nuevas-concesiones-en-galicia/

Restricións particulares polo nadal das medidas de contención da COVID-19

2020-12-23T06:56:16Z

Desde as 00.00 h do 23 de decembro de 2020, Rianxo entra no nivel de alerta máxima pola incidencia da covid-19. Ao mesmo tempo, a Xunta estableceu as condicións particulares de relaxamento da mobilidade para as datas do Nadal, entre o 23 e o 25 de decembro.

Co fin de facilitar a comprensión de todas as medidas, recompilamos toda a información recollida na app Covid Pass que a Xunta de Galicia puxo a disposición de toda a cidadanía para dispositivos móbiles.

Relaxamento das restricións durante as datas do Nadal (25-25 decembro)

Restricións de nivel máximo en Rianxo pola COVID-19

2020-12-23T07:05:33Z

Co fin de facilitar a comprensión de todas as medidas, recompilamos toda a información recollida na app Covid Pass que a Xunta de Galicia puxo a disposición de toda a cidadanía para dispositivos móbiles.

Medidas que afectan ao termo municipal de Rianxo durante o nivel máximo de alerta

Novas rutas de autobús do Plan de transporte público de Galicia

2020-12-22T21:22:36Z

O Plan de transporte público de Galicia vén de publicar os cambios nas comunicacións terrestres en transporte público para o municipio de Rianxo, que empezarán a aplicarse o 23 de decembro de 2020.

Na web pódense consultar todas as novas rutas e servizos asociados, así como un documento completo con todas as rutas e horarios.

Consulta pública da Ordenanza reguladora da protección dos camiños e vías públicas

2020-12-16T12:30:30Z

Sométese a consulta pública o proxecto de Ordenanza municipal non fiscal para a protección e conservación dos camiños e vías públicas, con motivo da execución de cortas, depósito, carga e transporte de madeira no termo municipal de Rianxo, para recoller a opinión dos suxeitos e das organizacións máis representantivas potencialmente afectadas pola futura norma, co obxectivo de mellorar a participación da cidadanía no procedemento de elaboración das normas.

O Pleno da Corporación aproba por unanimidade a exención da taxa de terrazas durante os anos 2020 e 2021

2020-11-27T10:58:14Z

Os 5 grupos que compoñen o Pleno da Corporación (BNG, Cidadáns, PP, PSOE e Rianxo en Común) votaron de forma unánime unha modificación da Ordenanza fiscal número 17, reguladora da taxa pola ocupación de terreos de uso público municipal con mesas, cadeiras, tribunas, taboados e outros elementos análogos con finalidade lucrativa ("a taxa por terrazas") de forma que se engade unha disposición transitoria que suspende temporalmente a vixencia da ordenanza fiscal ata o 31 de decembro de 2020, con efectos retroactivos ao 1 de xaneiro de 2020.

Esta iniciativa ten por finalidade axudar a paliar os efectos económicos adversos producidos pola incidencia da COVID-19 nas restricións que se impoñen ao sector da hostalaría, que obriga a enfocar o negocio cara á explotación dos espazos exteriores e terrazas, e tendo en conta as circunstancias excepcionais.